പുക പരിശോധന സര്‍ട്ടിഫിക്കറ്റില്ലെങ്കില്‍ ഇനി വാഹനം ഇന്‍ഷുര്‍ ചെയ്യാനാവില്ല

ന്യൂഡല്‍ഹി: പുക പരിശോധന സര്‍ട്ടിഫിക്കറ്റില്ലെങ്കില്‍ ഇനി മുതല്‍ വാഹനം ഇന്‍ഷുര്‍ ചെയ്യേണ്ടതില്ലെന്ന് സുപ്രീംകോടതി ഉത്തരവ്. എമിഷന്‍ നിയമങ്ങള്‍ കര്‍ശനമാക്കുന്നതിന്‍റെ ഭാഗമാണിത്.

ഇതുസംബന്ധിച്ച് ഇന്‍ഷുറന്‍സ് റെഗുലേറ്ററി ആന്‍ഡ് ഡെവലപ്‌മെന്റ് അതോറിറ്റി (ഐആര്‍ഡിഎഐ) ജനറല്‍ ഇന്‍ഷുറന്‍സ് കമ്പനികള്‍ക്ക് നിര്‍ദേശം നല്‍കി.

പുക പരിശോധന സര്‍ട്ടിഫിക്കറ്റ് നിര്‍ബന്ധമായും വാഹന ഉടമ കൈവശം സൂക്ഷിക്കേണ്ടതാണെന്നും അല്ലാത്തപക്ഷം മോട്ടോര്‍ വെഹിക്കിള്‍ നിയമ പ്രകാരം നടപടി സ്വീകരിക്കുമെന്നും ഉത്തരവില്‍ പറയുന്നു.