തെരഞ്ഞെടുപ്പ് ചട്ടലംഘനം: ജയപ്രദയ്‌ക്കെതിരെ ജാമ്യമില്ലാ വാറന്‍റ്

റാംപൂര്‍, ഉത്തര്‍ പ്രദേശ്: പ്രശസ്ത ചലച്ചിത്രതാരവും ബിജെപി നേതാവുമായ ജയപ്രദയ്‌ക്കെതിരെ ജാമ്യമില്ലാ വാറന്റ്. കഴിഞ്ഞ വര്‍ഷം ദേശീയ തെരഞ്ഞെടുപ്പുകള്‍ക്കിടയില്‍ ചട്ടം ലംഘിച്ചതിനാണ് ജയപ്രദയ്‌ക്കെതിരെ ജാമ്യമില്ലാ വാറന്റ് പുറപ്പെടുവിച്ചത്.

2019 ലെ ലോക്‌സഭാ തെരഞ്ഞെടുപ്പിനിടെയാണ് ചട്ടംലംഘിച്ചതായി ഉത്തര്‍ പ്രദേശ് കോടതിയില്‍ കേസ് ഫയല്‍ ചെയ്തിരിക്കുന്നത്. ഏപ്രില്‍ 20 നാണ് കേസില്‍ അടുത്ത വാദം കേള്‍ക്കുക.

2019 ലെ പൊതുതെരഞ്ഞെടുപ്പില്‍ റാംപൂര്‍ പാര്‍ലമെന്ററി മണ്ഡലത്തില്‍ നിന്നും മത്സരിച്ച ജയപ്രദയെ ഒരു ലക്ഷത്തിലധികം വോട്ടുകള്‍ക്ക് സമാജ്വാദി പാര്‍ട്ടിയുടെ അസം ഖാന്‍ പരാജയപ്പെടുത്തിയിരുന്നു.