വ്യവസായികൾക്കൊപ്പം നിൽക്കുന്നതിൽ യാതൊരു ഭയവുമില്ല: മോദി

ലക്നൗ: വ്യവസായികൾക്കൊപ്പം നിൽക്കുന്നതിൽ തനിക്ക് യാതൊരു ഭയവുമില്ലെന്നു പ്രധാനമന്ത്രി നരേന്ദ്ര മോദി. അനിൽ അംബാനിയുടെ കീഴിലുള്ള റിലയൻസ് ഡിഫൻസ് കമ്പനി റഫാൽ ഇടപാടിന്റെ പേരിൽ വിവാദ നിഴലിൽ നിൽക്കവെയാണ് മോദിയുടെ ഇൗ പരാമര്‍ശം.

രാജ്യത്തിന്റെ പുരോഗതിക്ക് വേണ്ടി നിലകൊള്ളുന്നവരിൽ പ്രധാനികളാണ് വ്യവസായികൾ. മറ്റു ചിലരെപ്പോലെ, അവർക്കൊപ്പം നിൽക്കുന്നതിനെ പേടിക്കുന്ന ഒരാളല്ല ഞാൻ. എന്തിനാണു നാം അവരെ നിന്ദിക്കുന്നത്?

എന്തിനാണവരെ കള്ളന്മാരെന്നു വിളിക്കുന്നത്?. യുപിയിൽ 60,000 കോടി രൂപയ്ക്കുള്ള 81 പദ്ധതികൾ പ്രഖ്യാപിച്ചു കൊണ്ടു പ്രധാനമന്ത്രി പറഞ്ഞു. ഒരു വ്യവസായിക്കുവേണ്ടി സർക്കാർ റഫാൽ കരാറിൽ മാറ്റം വരുത്തിയെന്ന് രാഹുൽ ഗാന്ധി കഴിഞ്ഞ ദിവസം ലോക്സഭയിൽ ആരോപണം ഉന്നയിച്ചിരുന്നു. ഇതിനാണു പരോക്ഷ മറുപടിയുമായി മോദി രംഗത്തെത്തിയത്. ‘


ഒരു വിമാനം പോലും നിർമിച്ചു പരിചയമില്ലാത്ത വ്യവസായിയെ റഫാൽ ഇടപാടിൽ മോദി പങ്കാളിയാക്കിയെന്നും 35,000 കോടി രൂപ കടത്തിലായിരുന്ന വ്യവസായി ഇതുവഴി 45,000 കോടി രൂപ ലാഭമുണ്ടാക്കി എന്നുമായിരുന്നു രാഹുലിന്റെ ആരോപണം..