സഹകരണ ബാങ്ക്: കേന്ദ്രസർക്കാർ ഇന്ന് വിശദീകരണം നൽകും

ന്യൂഡൽഹി: രാജ്യത്ത് സഹകരണ ബാങ്കുകൾക്കുമേലുള്ള വിലക്ക് സംബന്ധിച്ച് കേന്ദ്ര സര്‍ക്കാർ ഇന്ന് സുപ്രീംകോടതിയിൽ വിശദീകരണം നൽകും. സഹകരണ ബാങ്കുകളോടുള്ള വിവേചനം തെറ്റാണെന്ന് സുപ്രീം കോടതി വ്യക്തമാക്കിയിരുന്നു. സഹകരണ ബാങ്കുകൾക്ക് ഇടപാടുകൾ നടത്താൻ നിയന്ത്രണങ്ങളോടെ അനുമതി നൽകികൂടെ എന്ന് സുപ്രീംകോടതി കേന്ദ്ര സര്‍ക്കാരിനോട് ചോദിച്ചിരുന്നു.

ഇതോടൊപ്പം നോട്ട് അസാധുവാക്കിയതിന്‍റെ ഭരണഘടന സാധുത, നോട്ട് അസാധുവാക്കിയ ശേഷം പൊതുജനങ്ങൾക്ക് ഉണ്ടായ ബുദ്ധിമുട്ടുകൾ ഉൾപ്പടെയുള്ള വിഷയങ്ങളും കോടതി ഇന്ന് പരിഗണിക്കും. കേസ് ഭരണഘടന ബെഞ്ചിന്‍റെ പരിഗണനക്ക് വിടണോ എന്നും കോടതി പരിശോധിക്കും.

കേസ് അന്തിമവാദത്തിനായി ജനുവരിയിലേക്ക് മാറ്റാനാണ് സാധ്യത. ചീഫ് ജസ്റ്റിസ് ടി.എസ്.താക്കൂർ ജനുവരി 3ന് വിരമിക്കുന്ന സാഹചര്യത്തിൽ പുതിയ ബെഞ്ചായിരിക്കും കേസിൽ അന്തിമവാദം കേൾക്കുക.

Noteban: Central government will explain on cooperative banks today

Noteban: Central government will give explanation on cooperative banks today in SC.