ഹജ്ജ് തീർത്ഥാടനം: വിമാന യാത്രാകൂലി 20 % കൂടിയേക്കും

ഹൈദരാബാദ്: ഹജ്ജ് തീര്‍ത്ഥാടനത്തിന്‍റെ വിമാന യാത്രാകൂലി ഈ വര്‍ഷം വര്‍ധിക്കുമെന്ന് ഹജ്ജ് കമ്മിറ്റി ഓഫ് ഇന്ത്യ ഭാരവാഹികള്‍. ഇത്തവണ യാത്രാകൂലി 20 ശതമാനത്തോളം കൂടാന്‍ സാധ്യതയുണ്ടെന്ന് അധികൃതര്‍ ടൈംസ് ഓഫ് ഇന്ത്യയോട് പറഞ്ഞു.

സുപ്രീം കോടതിയുടെ നിര്‍ദേശപ്രകാരം ഹജ്ജ് സബ്‍സിഡി ഘട്ടംഘട്ടമായി നിര്‍ത്തലാക്കുന്നതിന്‍റെ ഭാഗമായാണ് വിമാന യാത്രാകൂലി വര്‍ധിക്കുന്നതെന്ന് ഹജ്ജ് കമ്മിറ്റി സിഇഒ അത-ഉര്‍-റഹ്‍മാന്‍ പറഞ്ഞു. വിമാനയാത്രാ ചിലവ് 15000 രൂപയോളം വര്‍ധിക്കുമെന്നാണ് കരുതുന്നത്. പക്ഷേ, ഇക്കാര്യത്തില്‍ അന്തിമമായ കണക്ക് ലഭിച്ചിട്ടില്ല. വരുന്ന ഏതാനും ആഴ്‍ചകള്‍ക്കുള്ളില്‍ ഇത് അറിയാന്‍ കഴിയുമെന്നും അദ്ദേഹം പറഞ്ഞു.

കഴിഞ്ഞ വര്‍ഷം 56000 ആയിരുന്ന വിമാനയാത്രാകൂലി ഇത്തവണ 71000 ആയി ഉയരാനാണ് സാധ്യത എന്ന് കണക്കാക്കപ്പെടുന്നു. രൂപ-റിയാല്‍ കറന്‍സി കൈമാറ്റിത്തിന്‍റെ നിരക്ക് അടുത്ത മാസം അവസാനത്തോടെ തീരുമാനിക്കും. മെക്കയിലേക്ക് പണം കൊണ്ടുപോകുന്ന തീര്‍ത്ഥാടകരെ ഇത് ചെറുതായി ബാധിച്ചേക്കാം.

Now, Haj to become costlier: Airfare likely to soar by 20%

The airfare for the annual pilgrimage of Haj is likely to increase with officials of the Haj Committee of India expecting a rise by around 20 per cent.