ഓഖി: ചോദിച്ചത് 7340 കോടി കിട്ടിയത് 169 കോടി

ന്യൂഡല്‍ഹി: ഓഖി ദുരിതാശ്വാസ പ്രവര്‍ത്തനങ്ങള്‍ക്ക് കേന്ദ്ര സര്‍ക്കാര്‍ കേരളത്തിന് 169.63 കോടി രൂപ
അനുവദിച്ചു. ആഭ്യന്തരമന്ത്രി രാജ്നാഥ് സിംഗിന്റെ അദ്ധ്യക്ഷതയില്‍ ഡല്‍ഹിയില്‍ ചേര്‍ന്ന ഉന്നതതല യോഗത്തിന്റേതാണ് തീരുമാനം. കേരളം കേന്ദ്രത്തിനോട് ആവശ്യപ്പെട്ടത് 7340 കോടിയായിരുന്നു.
തമിഴ്നാടിന് 133.05 കോടി രൂപയും അനുവദിച്ചിട്ടുണ്ട്.

അതേസമയം 2017-2018 വര്‍ഷത്തെ വെള്ളപ്പൊക്ക കെടുതി നേരിടാന്‍ ബീഹാര്‍ (1711.66 കോടി), ഗുജറാത്ത് (1055.05 കോടി), പശ്ചിമ ബംഗാള്‍ (838.85 കോടി), ഉത്തര്‍പ്രദേശ് (420.69 കോടി), രാജസ്ഥാന്‍ (420.57 കോടി) എന്നീ സംസ്ഥാനങ്ങള്‍ക്ക് കൂടുതല്‍ തുക അനുവദിച്ചിട്ടുമുണ്ട്. വരള്‍ച്ചയെ തുടര്‍ന്ന് മദ്ധ്യപ്രദേശ് (836.09കോടി), ഛത്തീസ്ഗഡ് (395.91കോടി) എന്നീ സംസ്ഥാനങ്ങള്‍ക്കും പണം അനുവദിച്ചിട്ടുണ്ട്.