കശ്‍മീര്‍ പ്രശ്‍നം പരിഹരിക്കാന്‍ മോദിക്കേ കഴിയൂ: മെഹബൂബ

ന്യൂഡല്‍ഹി: പ്രധാന മന്ത്രി നരേന്ദ്ര മോദിക്കു മാത്രമേ കശ്‍മീര്‍ പ്രശ്‍നം പരിഹരിക്കാന്‍ കഴിയൂ എന്ന് ജമ്മു കശ്‍മീര്‍ മുഖ്യമന്ത്രി മെഹബൂബ മുഫ്‍തി ശനിയാഴ്‍ച പറഞ്ഞു. പ്രശ്‍നം പരിഹരിക്കാന്‍ അദ്ദേഹത്തിന് ശക്തമായ ജനപിന്തുണയുണ്ടെന്നു പറഞ്ഞ മെഹബുബ സംസ്ഥാനത്തെ പ്രശ്‍നം പരിഹരിക്കണമെന്ന് മോദിയോട് അഭ്യര്‍ത്ഥിക്കുകയും ചെയ്‍തു.

ഇ പ്രശ്‍നത്തില്‍നിന്ന് നമ്മളെ രക്ഷിക്കാന്‍ കഴിയുന്ന ഒരേയൊരു വ്യക്തി മോദിയാണ്. അദ്ദേഹത്തിന്‍റെ തീരുമാനത്തെ രാജ്യം പിന്തുണയ്‍ക്കും, മെഹബൂബ പറഞ്ഞു. കശ്‍മീരില്‍ ഒരു ഫ്ലൈ ഓവറിന്‍റെ ഉദ്‍ഘാടനം നിര്‍വഹിച്ചുകൊണ്ട് സംസാരിക്കുകയായിരുന്നു അവര്‍.

2015 ഡിസംബറില്‍ ലാഹോര്‍ സന്ദര്‍ശിക്കാനുള്ള മോദിയുടെ തീരുമാനം ശക്തമായ തീരുമാനമായിരുന്നു. അത് ദൗര്‍ബല്യം അല്ലായിരുന്നു. എന്നാല്‍ മുന്‍ പ്രധാനമന്ത്രി മന്‍മോഹന്‍ സിങ്ങിന് പാകിസ്ഥാന്‍ സന്ദര്‍ശിക്കാനുള്ള ധൈര്യം ഉണ്ടായിരുന്നില്ലെന്ന് മെഹബൂബ കുറ്റപ്പെടുത്തി.

Only PM Modi can pull Kashmir out of this situation: Mehbooba

Mehbooba Mufti today said PM Modi alone can help the people in the prevailing situation in the state.