തെരഞ്ഞെടുപ്പ് നേരിടാത്ത പാർട്ടികളെ നിരോധിക്കും: നസീം സൈദി

ന്യൂഡൽഹി: ലോകത്ത് ഏറ്റവും കൂടുതൽ രാഷ്ട്രീയ പാർട്ടികൾ ഉള്ള രാജ്യമായി ഇന്ത്യ മാറുന്നു. രാജ്യത്ത് 1900 രാഷ്ട്രീയ പാർട്ടികൾ ഉണ്ടെന്ന് മുഖ്യ തെരഞ്ഞെടുപ്പ് കമ്മീഷൻ നസീം സൈദി പറഞ്ഞു.അവയിൽ 400 പാർട്ടികൾ ഇത് വരെ ഒരു തെരഞ്ഞെടുപ്പിനെ പോലും നേരിട്ടിട്ടില്ല. കള്ളപ്പണം വെളുപ്പിക്കാനുള്ള ഒരു മാർഗമാണ് ഇതെന്ന് സംശയിക്കേണ്ടിയിരിക്കുന്നു എന്നും സൈദി വ്യക്തമാക്കി.

തെരഞ്ഞെടുപ്പുകളിൽ മത്സരിക്കാത്ത പാർട്ടികളുടെ പേരുകൾ തെരഞ്ഞെടുപ്പ് കമ്മീഷന്‍റെ ലിസ്റ്റില്‍ നിന്ന് നീക്കം ചെയ്യുമെന്ന് സൈദി വ്യക്തമാക്കി. ലിസ്റ്റിൽ നിന്ന് ഒഴിവാക്കപ്പെടുന്ന പാർട്ടികൾക്ക് നികുതിയിളവ് ലഭിക്കുകയില്ല.കൂടാതെ സംഭാവനകൾ സ്വീകരിക്കാനും സാധിക്കില്ല. ഇത്തരം പാർട്ടികളുടെ റജിസ്‌ട്രേഷൻ റദ്ദ് ചെയ്യുക എന്നതാണ് ആത്യന്തികമായ ലക്ഷ്യം. അതിന് കാല താമസമെടുക്കും എന്നതിനാൽ ഇപ്പോൾ ലിസ്റ്റിൽ നിന്ന് പേര് ഒഴിവാക്കുക മാത്രമാണ് ചെയ്യുന്നതെന്ന് തെരഞ്ഞെടുപ്പ് കമ്മീഷൻ വ്യക്തമാക്കി.

Over 1,900 parties in India, 400 never fought polls: EC

Cheif Election Commissioner Naseem Saidi said the ultimate aim is to ban those parties which haven't faced any elections so far.