അന്താരാഷ്ട്ര വിമാന സര്‍വീസുകളുടെ വിലക്ക് 14 വരെ നീട്ടി։ ആഭ്യന്തര സ‍‍ർവീസുകളുടെ വിലക്ക് 31 വരെ

ന്യൂഡൽഹി։ രാജ്യത്ത് അന്താരാഷ്ട്ര വിമാനങ്ങള്‍ക്ക് ഏര്‍പ്പെടുത്തിയിരിക്കുന്ന വിലക്ക് ഏപ്രില്‍ 14 വരെ ഉയര്‍ത്തി. പ്രധാനമന്ത്രി രാജ്യത്തിന് ഏർപ്പെടുത്തിയ ലോക്ക്ഡൗണ്‍ അവസാനിക്കുന്ന ദിവസം വരെയാണ് ഇപ്പോള്‍ വിലക്ക് ഉയര്‍ത്തിയിരിക്കുന്നത്.

Also Read : LIVE: ഇന്ത്യയില്‍ ഇന്ന് കൊവിഡ്-19 റിപ്പോര്‍ട്ട് ചെയ്തത് 88 പേ‍ർക്ക്; ഒരു ദിവസത്തെ ഏറ്റവും ഉയർന്ന സംഖ്യ

എന്നാല്‍, ചരക്ക് വിമാനങ്ങള്‍ക്കും സിവില്‍ വ്യോമസേന ഡയറക്ടര്‍ ജനറല്‍ അനുമതി നല്‍കുന്ന പ്രത്യേക വിമാനങ്ങള്‍ക്കും വിലക്ക് ബാധകമാവില്ല. അതേസമയം, ആഭ്യന്തര വിമാന സര്‍വീസുകള്‍ മാർച്ച് 31 വരെയാണ് വിലക്കിയിരിക്കുന്നത്.

വൈറസ് വ്യാപനം ശക്തമായതോടെ രാജ്യത്തെ ട്രെയിന്‍ ബസ് മെട്രോ എടക്കമുള്ള എല്ലാ പൊതുഗതാഗതവും വിലക്കിയിരുന്നു.

ഇന്ത്യക്ക് പുറമെ വിവിധ ലോകരാജ്യങ്ങളിലും കൊറോണ വൈറസ് ആശങ്ക പടര്‍ത്തിയിരിക്കുകയാണ്. നിലവില് നാല് ലക്ഷത്തിലേറെ ആളുകള്‍ക്ക് രോഗബാധ റിപ്പോര്‍ട്ട് ചെയ്യുകയും. 22,000ത്തോളം ആളുകള്‍ക്ക് ജീവന്‍ നഷ്ടമാകുകയും ചെയ്തിട്ടുണ്ട്.

Also Read : സംസ്ഥാനത്ത് ഇന്ന് 19 പുതിയ കൊവിഡ് ബാധ കേസുകള്‍ കൂടി റിപ്പോ‍ർട്ട് ചെയ്തു

ഇതിനിടെ ആയിരകണക്കിന് വിദേശ വിനോദ സഞ്ചാരികളാണ് ഇന്ത്യയുടെ വിവിധ ഭാഗങ്ങളില്‍ കുടുങ്ങി കിടക്കുന്നത്. ഇവര്‍ നിരന്തരം തിരികെ പോകുന്ന വിഷയത്തില്‍ വിദേശകാര്യ മന്ത്രാലയവുമായി ബന്ധപ്പെടുന്നുവെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. സർവീസ് നിർത്തിയത് എയർഇന്ത്യയെ കൂടുതൽ നഷ്ടത്തിലാക്കുമോ എന്നും ആശങ്ക ഉയർന്നിട്ടുണ്ട്.