മുൻ ലോക്സഭാ സ്പീക്കർ പി എ സാംഗ്മ അന്തരിച്ചു

ന്യൂഡൽഹി: മുൻ ലോക്സഭാ സ്പീക്കറും മേഘാലയ മുഖ്യമന്ത്രിയുമായിരുന്ന പി എ സാംഗ്മ(68) അന്തരിച്ചു. ​ഹൃദയാഘാതത്തെ തുടർന്ന് ഡൽഹിയിൽ വെച്ചായിരുന്നു അന്ത്യം. 1996 മുതൽ 1998 വരെ ലോക്സഭാ സ്പീക്കറായിരുന്നു. എൻസിപിയുടെ സ്ഥാപക നേതാക്കളിൽ ഒരാൾ കൂടിയായ സാംഗ്മ 1988 മുതൽ 1990 വരെ മേഘാലയ മുഖ്യമന്ത്രി പദത്തിൽ സേവനമനുഷ്ഠിച്ചു.

എട്ട് തവണ ലോക്സഭയിലേക്ക് തെരഞ്ഞെടുക്കപ്പെട്ടിട്ടുണ്ട്. നിലവിൽ മേഘാലയയിലെ ട്യൂറ മണ്ഡലത്തിൽ നിന്നുള്ള എംപിയാണ്. 2012ൽ പ്രണബ് മുഖർജിക്കെതിരെ രാഷ്ട്രപതി സ്ഥാനത്തേക്ക് മത്സരിച്ചിരുന്നു. ​സാംഗ്മയോടുള്ള ആദരസൂചകമായി സഭ ഇന്നത്തേക്ക് പിരിഞ്ഞു. ​ 2009ലെ മൻമോഹൻസിംഗ് മന്ത്രിസഭയിലെ ഏറ്റവും പ്രായം കുറഞ്ഞ അംഗമായ അഗത സാംഗ്മ മകളാണ്