പഹ്‍ലജ് നിഹ്ലാനിയെ സെന്‍സര്‍ ബോര്‍ഡ് ചെയര്‍മാന്‍ സ്ഥാനത്തുനിന്ന് നീക്കി

ന്യൂഡല്‍ഹി: സെന്‍സര്‍ ബോര്‍ഡ് (സെന്‍ട്രല്‍ ബോര്‍ഡ് ഓഫ് ഫിലിം സര്‍ട്ടിഫിക്കേഷൻ ഇൻ ഇന്ത്യ) ചെയര്‍മാന്‍ സ്ഥാനത്തുനിന്ന് പഹ്‍ലജ് നിഹ്‍ലാനിയെ നീക്കി. പ്രശസ്‍ത ഗാനരചയിതാവും കവിയുമായ പ്രസൂണ്‍ ജോഷി പുതിയ ചെയര്‍മാനാകുമെന്നാണ് കരുതപ്പെടുന്നത് എന്ന് ടൈംസ് നൗ റിപ്പോര്‍ട്ട് ചെയ്‍തു.

ചെയര്‍മാന്‍ സ്ഥാനത്തുനിന്ന് നീക്കുമെന്ന് കഴിഞ്ഞ മാസം തന്നെ കേന്ദ്ര വിവര-വാര്‍ത്താവിനിമയ മന്ത്രാലയം അദ്ദേഹത്തെ അറിയിച്ചിരുന്നു. 2015 ജനുവരിയില്‍ ചെയര്‍മാന്‍ സ്ഥാനം ഏറ്റെടുത്തതു മുതല്‍ വിവാദങ്ങളുടെ തോഴനായിരുന്നു നിഹ്‍ലാനി. പല തവണ പല ചിത്രങ്ങളില്‍നിന്നും നിരവധി സീനുകള്‍ ഒഴിവാക്കണമെന്ന് അദ്ദേഹം ആവശ്യപ്പെട്ടിട്ടുണ്ട്.

2015ല്‍ ജെയിംസ് ബോണ്ടി ചിത്രമായ സ്പെക്ടറില്‍നിന്ന് ചില ചുംബന ദൃശ്യങ്ങള്‍ കട്ട് ചെയ്‍തതോടെയാണ് നിഹ്‍ലാനി വിവാദനായകനാകുന്നത്. തുടര്‍ന്ന് ഉഡ്‍താ പഞ്ചാബ് എന്ന ചിത്രത്തിലെയും പവ സീനുകളും വെട്ടിമാറ്റാൻ അദ്ദേഹം ആവശ്യപ്പെട്ടു. അടുത്തിടെ ലിപ്‍സ്റ്റിക് അണ്ടര്‍ മൈ ബുര്‍ഖ എന്ന ചിത്രത്തിലെ സീനുകള്‍ ഒഴിവാക്കണമെന്ന് ആവശ്യപ്പട്ടതുള്‍പ്പെടെയുള്ള പല തീരുമാനങ്ങളും വിവാദമായിരുന്നു. ഇതിന്‍റെ പശ്ചാത്തലത്തിലാണ് നിഹ്‍ലാനിയെ നീക്കാന്‍ കേന്ദ്രം തീരുമാനിച്ചത്.

Pahlaj Nihalani sacked as CBFC chief, to be succeeded by Prasoon Joshi

Pahlaj Nihalani was today sacked as chairperson of Central Board of Film Certification in India (CBFC).