പാകിസ്താനില്‍ സൈനിക വാഹനത്തില്‍ സ്‌ഫോടനം;15 മരണം

ഇസ്ലാമാബാദ്: പാകിസ്താനിലെ ക്വെറ്റയില്‍ ശനിയാഴ്ച അര്‍ദ്ധരാത്രി സൈനിക വാഹനത്തിലുണ്ടായ സ്‌ഫോടനത്തില്‍ 15 പേര്‍ കൊല്ലപ്പെട്ടു. 32 പേര്‍ക്ക് പരിക്കേറ്റു. മരിച്ചവരില്‍ എട്ട് പേര്‍ സൈനികരാണ് . പത്തോളം സൈനികര്‍ക്ക് പരിക്കേറ്റിട്ടുമുണ്ട്. സൈനിക വാഹനം ക്വെറ്റയിലെ പിഷിന്‍ സ്റ്റോപ്പ് ഭാഗത്തുകൂടി കടന്നുപോകുന്നതിനിടെയാണ് സ്‌ഫോടനം ഉണ്ടായത്.

പരിക്കേറ്റവര്‍ ക്വെറ്റയിലെ ആസ്പത്രികളില്‍ ചികിത്സയിലാണ്. മരണ സംഖ്യ ഇനിയും ഉയര്‍ന്നേക്കാമെന്നാണ് റിപ്പോര്‍ട്ടുകള്‍. തീവ്രവാദി ആക്രമണമാണ് നടന്നതെന്ന് സൈന്യത്തിന്റെ മാധ്യമ വിഭാഗം അറിയിച്ചു. സ്‌ഫോടനത്തേത്തുടര്‍ന്ന് തൊട്ടടുത്തുണ്ടായിരുന്ന വാഹനങ്ങള്‍ക്ക് തീപിടിച്ചു. സംഭവത്തേത്തുടര്‍ന്ന് മേഖലയില്‍ നിരോധനാജ്ഞ പ്രഖ്യാപിച്ചിട്ടുണ്ട്.

Pakistan blast: 15 dead, dozens injured in blast in Quetta

A powerful blast targeting a military truck today killed at least 15 people, including eight soldiers,