വെടിനിര്‍ത്തല്‍ കരാര്‍ വീണ്ടും ലംഘിച്ച്‌ പാകിസ്ഥാൻ

പാകിസ്ഥാന്റെ വെടിനിര്‍ത്തല്‍ കരാര്‍ ലംഘനം തുടരുന്നു. ജമ്മു കശ്മീരിലെ പൂഞ്ച് സെക്ടറില്‍ ഇന്ത്യന്‍ സൈനിക പോസ്റ്റുകള്‍ക്കുനേരെ വ്യാഴാഴ്ച പുലര്‍ച്ചെയും പാകിസ്ഥാന്‍ വ്യാപക ഷെല്ലാക്രമണം നടത്തി. പുലര്‍ച്ചെ 3.30 നായിരുന്നു ഷെല്ലാക്രമണമെന്ന് പ്രതിരോധ മന്ത്രാലയ വക്താവ് അറിയിച്ചു.

പാക് അധീന കശ്മീരിലെ ഭീകര താവളങ്ങള്‍ക്കുനേരെ അതിര്‍ത്തി കടന്ന് ഇന്ത്യന്‍ സൈന്യം നടത്തിയ മിന്നലാക്രമണത്തിന് ശേഷം പാകിസ്ഥാന്‍ നടത്തുന്ന 31ാം മത്തെ വെടിനിര്‍ത്തല്‍ കരാര്‍ ലംഘനമാണിത്. ബുധനാഴ്ച രജൗറിയില്‍ ഇന്ത്യന്‍ സൈനി പോസ്റ്റുകള്‍ക്കുനേരെ പാകിസ്ഥാന്‍ സൈന്യം വെടിവെപ്പും ഷെല്ലാക്രമണവും നടത്തിയിരുന്നു.