പാക് വെടിവെപ്പില്‍ ഇന്ത്യന്‍ സൈനികനും പെണ്‍കുട്ടിക്കും പരിക്കേറ്റു

ജമ്മു: വെടിനിര്‍ത്തല്‍ കരാര്‍ ലംഘിച്ച് പാക് സൈന്യം നടത്തിയ വെടിവെപ്പില്‍ ഒരു ഇന്ത്യന്‍ സൈനികനും പെണ്‍കുട്ടിക്കും പരിക്കേറ്റു. നിയന്ത്രണ രേഖയ്ക്ക് സമീപം ജമ്മു കശ്മീരിലെ പൂഞ്ച് ജില്ലയില്‍പ്പെട്ട ഷാഹ്പൂര്‍ പ്രദേശത്തേക്കാണ് പാക് സൈന്യം വെടിവെപ്പ് നടത്തിയത്.

പരിക്കേറ്റ രണ്ടു പേരെയും ആശുപത്രിയില്‍ പ്രവേശിപ്പിച്ചു. ചെറുതോക്കുകളും മോര്‍ട്ടാര്‍ ഷെല്ലുകളുമുപയോഗിച്ചായിരുന്നു ആക്രമണം.യാതൊരു പ്രകോപനവും കൂടാത ആയിരുന്നു പാക് വെടിവെപ്പെന്നാണ് റിപ്പോര്‍ട്ട്.

രാവിലെ 11 മണിയോടെയാണ് ഇന്ത്യന്‍ സൈനിക പോസ്റ്റുകള്‍ക്ക് നേരെ പാക് സൈനികര്‍ വെടിവെപ്പ് തുടങ്ങിയത്. ഇന്ത്യന്‍ സേനയും ശക്തമായ തിരിച്ചടി നല്‍കിയെന്ന് പോലീസ് പറഞ്ഞു.