പനാമ;ബച്ചനടക്കമുളളവർക്ക് ആദായനികുതി വകുപ്പിൻെറ ചോദ്യാവലി

പനാമ പേപ്പേഴ്സിലെ ഏഴ് വ‍ർഷങ്ങൾക്ക് മുൻപുള്ളവരുടെ വിവരങ്ങൾക്കായി ഇൻകംടാക്സ് വകുപ്പ് കോടതിയെ സമിപിക്കാൻ ഒരുങ്ങുന്നു. കള്ളപ്പണ ഇടപാടുകൾ അന്വേഷിക്കുന്ന പ്രത്യേക അന്വേഷണ സംഘത്തെയും സമീപിക്കാനും നിക്കമുണ്ട്.

പനാമ പേപ്പേഴ്സ് വെളിപ്പെടുത്തിയ ലിസ്റ്റിൽ പ്രഥമ ദൃഷ്ട്യ നികുതി വെട്ടിപ്പ് നടന്നിട്ടുണ്ട്. എങ്കിലും, ഇൻകംടാംക്സ് നിയമപ്രകാരം ഏഴുവ‍ർഷത്തിന് പിറകിലുള്ള കേസുകളേ കൈകാര്യം ചെയ്യാൻ കഴിയുകയുള്ളൂ.

അമിതാഭ് ബച്ചൻ അടക്കമുള്ളവ‍ർക്ക് ആദായനികുതി വകുപ്പിൻെറ പുതിയ ചോദ്യാവലി അയച്ചിട്ടുണ്ട്. കള്ളപ്പണം നിക്ഷേപിക്കാന്‍ ഇടപാടുകാര്‍ക്ക് രേഖകള്‍ ഉണ്ടാക്കി നല്‍കുന്ന പനാമ ആസ്ഥാനമായി പ്രവര്‍ത്തിക്കുന്ന മൊസാക്കോ ഫോൺസേക്ക കമ്പനിയയുടെ നികുതി രേഖകളിൽ പല പ്രമുഖരുടെ പേരുകളുണ്ട്. അതിൽ 500 ഇന്ത്യക്കാരുടെ പേരുകളാണ് പുറത്ത് വന്നത്.

രണ്ട് വൻകിടകമ്പനികളിൽ ഡയറക്ടറാണ് ബച്ചനെന്നാണ് പനാമ രേഖകൾ പറയുന്നത്. എന്നാൽ പനാമ രേഖ പ്രകാരമുളള വാ‍ർത്തകളും, കമ്പനികളെക്കുറിച്ചുള്ള വിവരങ്ങളും ബച്ചൻ നിഷേധിച്ചിരുന്നു. 15 വ‍ർഷം മുൻപുള്ള വിദേശ വിനിമയ നിയമലംഘനങ്ങൾ എൻഫോഴ്സ്മെൻറ ഡയറക്ടറേറ്റ് അന്വേഷിക്കാൻ തുടങ്ങിയാൽ ഇൻകംടാക്സ് വകുപ്പിന് അന്വേഷണ സഹായം തേടാമെന്ന് അധികൃത‍ർ പറയുന്നു. കള്ളപ്പണ ഇടപാട് അന്വേഷിക്കുന്ന പ്രത്യേക അന്വേഷണ സംഘ ജഡ്ജിംഗ് പാനലിൻെറ അനുവാദത്തോടെ ഏഴ് വ‍ർഷം മുമ്പുള്ള രേഖകൾ കണ്ടെത്താമെന്നാണ് ഇൻകംടാക്സ് ഡിപ്പാ‍ർട്ട്മെൻെറ് കരുതുന്നത്.