പരീക്കര്‍ ഗോവ മുഖ്യമന്ത്രിയായി തുടരും: അമിത് ഷാ

ന്യൂഡല്‍ഹി: ആരോഗ്യ പ്രശ്നങ്ങളെ തുടര്‍ന്ന് ചികിത്സയില്‍ കഴിയുന്ന മനോഹര്‍ പരീക്കര്‍ തന്നെ ഗോവ മുഖ്യമന്ത്രിയായി തുടരുമെന്ന് ബിജെപി ദേശീയ അധ്യക്ഷന്‍ അമിത് ഷാ. എന്നാല്‍ മന്ത്രിസഭയിലെ അഴിച്ചുപണികളെ കുറിച്ച് ആലോചിക്കുന്നുണ്ടെന്നും ഷാ വ്യക്തമാക്കി.

ഗോവയിലെ ഏറ്റവും വലിയ ഒറ്റകക്ഷിയായ കോണ്‍ഗ്രസ് സര്‍ക്കാര്‍ രൂപീകരണത്തിന് ശ്രമം തുടങ്ങിയിട്ടുണ്ട്. തങ്ങള്‍ക്ക് 21 എംഎല്‍എമ്മാരുടെ പിന്തുണയുണ്ടന്ന് അവകാശപ്പെട്ട് ബുധനാഴ്ച കോണ്‍ഗ്രസ് രംഗത്തെത്തിയിരുന്നു.

ഞങ്ങള്‍ക്ക് വ്യക്തമായ അംഗബലമുണ്ട്. ഞങ്ങളുടെ ചര്‍ച്ചയെ സംബന്ധിച്ച വിവരങ്ങള്‍ മാധ്യമങ്ങളോടു പങ്കുവെക്കാന്‍ തയ്യാറാവുന്നില്ലെന്ന് ഗോവയിലെ പ്രതിപക്ഷ നേതാവ് ചന്ദ്രകാന്ത് കാവ്ലേക്കര്‍ വാര്‍ത്താ ഏജന്‍സിയോടു പറഞ്ഞു.

40 അംഗങ്ങളുള്ള ഗോവ അസംബ്ലിയില്‍ ബിജെപിക്ക് 23 അംഗങ്ങളുടെ പിന്തുണയുണ്ട്. പരീക്കര്‍ ഇപ്പോള്‍ ന്യൂഡല്‍ഹിയിലെ എയിംസില്‍ ചികിത്സയിലാണ്