തെറ്റിധരിപ്പിക്കുന്ന പരസ്യം: പതഞ്‍ജലിക്ക് 11 ലക്ഷം രൂപ പിഴ വിധിച്ചു

ഹരിദ്വാർ: യോഗ ഗുരു രാംദേവിന്‍റെ പതഞ്ജലി ആയുർവേദ ഗ്രൂപ്പിന് തെറ്റിധരിപ്പിക്കുന്ന തരത്തിലുള്ള പരസ്യങ്ങൾ പ്രദർശിപ്പിച്ചതിന് 11 ലക്ഷം രൂപ പിഴ വിധിച്ചു. ഹരിദ്വാർ അഡീഷണൽ ഡിസ്ട്രിക്ട് മജിസ്ട്രേറ്റ് ലളിത് നരേൻ മിസ്രയാണ് പിഴ വിധിച്ചത്.

മറ്റ്​ കമ്പനികൾ നിർമിച്ച ഉൽപന്നങ്ങൾ സ്വന്തം ലേബലിൽ വിറ്റതിനും അതിന്‍റെ പരസ്യം നൽകിയതിനുമാണ്​ ശിക്ഷ​. ഭക്ഷ്യ സുരക്ഷാ നിയമത്തിലെ 52,53 വകുപ്പുകളും പാക്കേജിങ്​ ആൻഡ്​ ലേബലിങ്​ ആക്​ടി​ലെ വകുപ്പുകൾ പ്രകാരമാണ്​ ​ശിക്ഷ വിധിച്ചിരിക്കുന്നത്​. ഒരു മാസത്തിനകം ​പിഴയടക്കണമെന്ന് പതഞ്​ജലി ഗ്രൂപ്പിനോട്​ കോടതി നിർദേശിച്ചു​.

ഉല്‍പന്നങ്ങളുടെ ഗുണനിലവാരം ചോദ്യം ചെയ്തു കൊണ്ടുള്ള കേസ് കോടതിയുടെ പരിഗണനയിലിരിക്കുമ്പോഴാണ് പുതിയ കേസ്. കമ്പനിയുടെ വരുമാനം 5000 കോടിയിൽ നിന്ന്​ 1000 കോടിയിലേക്ക്​ വർധിപ്പിക്കാനുള്ള കമ്പനിയുടെ ശ്രമത്തിനടിയാണ്​ കോടതിയിൽ നിന്ന്​ പ്രതികൂല വിധിയുണ്ടായിരിക്കുന്നത്​.

Patanjali fined Rs 11 lakh for misleading ads

Haridwar court ordered Patanjali to pay a fine of 11 lakh rupees within a month for showing misleading ads