പഠാൻകോട്ട്: എൻ.ഐ.എ സംഘം പാകിസ്ഥാനിലേക്ക്

ന്യൂഡൽഹി: പഠാൻകോട്ട് ഭീകരാക്രമണത്തെ കുറിച്ചുള്ള അന്വേഷണത്തിനായി എൻ.ഐ.എ സംഘം പാകിസ്ഥാൻ സന്ദർശിക്കുമെന്ന് എന്‍.ഐ.എ ഡയറക്ടർ ജനറൽ ശരത് കുമാർ. ഇന്ത്യൻ അന്വേഷണ സംഘത്തിന്‍റെ സന്ദർശനത്തിന് പാക് സർക്കാർ അനുമതി നൽകിയിട്ടുണ്ട്.

പഠാൻകോട്ട് ആക്രമണത്തെ കുറിച്ചന്വേഷിക്കാൻ ഇന്ത്യയിലെത്തിയ പാക് സംയുക്ത അന്വേഷണ സംഘം വിവരശേഖരണം പൂർത്തിയാക്കി. ഇവർ എൻ.ഐ.എയുമായി കൂടിക്കാഴ്ച നടത്തിയിരുന്നു. പാക് പഞ്ചാബിലെ തീവ്രവാദ വിരുദ്ധ വിഭാഗം തലവൻ മുഹമ്മദ് താഹിർ റായിയുടെ നേതൃത്വത്തിലായിരുന്നു സംഘം വിവരശേഖരണം നടത്തിയത്.
സാക്ഷികളുടെ മൊഴികള്‍ രേഖപ്പെടുത്തുകയും കൊല്ലപ്പെട്ട തീവ്രവാദികളുടെ ഡി.എന്‍.എ റിപ്പോര്‍ട്ട് ഉള്‍പ്പടെയുള്ള തെളിവുകളും പാക് സംഘം ശേഖരിച്ചു. ഭീകരാക്രണം നടന്ന പഠാന്‍കോട്ട് നാവിക സേന താവളത്തിലെത്തി തെളിവെടുപ്പ് നടത്താനും ഇന്ത്യ പാകിസ്ഥാന് അനുമതി നൽകിയിരുന്നു.