കള്ളപ്പണം കൈയ്യിലുളളവരാണ് സര്‍ക്കാരിനെ ഭയക്കുന്നത്; അമിത് ഷാ

ന്യൂഡല്‍ഹി: കള്ളപ്പണം കൈയ്യിലുള്ളവരാണ് മോദി സര്‍ക്കാരിനെ ഭയപ്പെടുന്നതെന്ന് ബിജെപി ദേശീയ പ്രസിഡന്റ് അമിത് ഷാ. പിടിഎെയ്ക്കു നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം
മോദി സര്‍ക്കാര്‍ 1.37 ലക്ഷം കോടിയുടെ കള്ളപ്പണം പിടികൂടിയതായും 99 ലക്ഷം പുതിയ പാന്‍ കാര്‍ഡുകള്‍ വിതരണം ചെയ്തതായും അദ്ദേഹം പറഞ്ഞു.

കള്ളപ്പണം പിടികൂടുന്നതിന് സുപ്രീംകോടതിയുടെ മേല്‍നോട്ടത്തിലുള്ള പ്രത്യേക അന്വേഷണ സംഘം രൂപീകരിക്കാന്‍ സാധിച്ചത് സര്‍ക്കാരിന്റെ വലിയ നേട്ടമാണ്. സിംഗപ്പൂര്‍, മൗറീഷ്യസ്, സൈപ്രസ് തുടങ്ങിയ രാജ്യങ്ങളുമായുള്ള നികുതി ഉടമ്പടികള്‍ പരിഷ്‌കരിക്കാന്‍ സര്‍ക്കാരിന് കഴിഞ്ഞു. മൂന്നു വര്‍ഷത്തിനിയില്‍ 1.37 ലക്ഷം കോടിയുടെ കള്ളപ്പണമാണ് ആദായനികുതി വകുപ്പ് കണ്ടെത്തിയത്.

എന്‍ഫോഴ്‌സ്‌മെന്റ് ഡയറക്ടറേറ്റ് 14,800 കോടിയുടെ അനധികൃത സ്വത്തും കണ്ടുകെട്ടി. 99 ലക്ഷം പാന്‍കാര്‍ഡുകള്‍ വിതരണം ചെയ്യാന്‍ സാധിച്ചത് സര്‍ക്കാരിന്റെ ഏറ്റവും വലിയ നേട്ടങ്ങളിലൊന്നാണ്. കള്ളപ്പണം പിടികൂടുന്നതിനായി മോദി സര്‍ക്കാര്‍ ആവിഷ്‌കരിച്ച് നടപ്പാക്കിയ ബഹുമുഖമായ പദ്ധതികളെല്ലാം വലിയ വിജയമായിരുന്നെന്നും അമിത് ഷാ പറഞ്ഞു.

People With Black Money Fear Modi Government, Says Amit Shah

National president of ruling Bharatiya Janata Party (BJP) Amit Shah on Saturday said people with black money "fear" the Modi government, which has unearthed undisclosed assets worth over Rs 1.37 lakh crore.