വില വർധനക്കെതിരെ ഒക്ടോബർ 13ന് പെട്രോൾ പമ്പുകൾ അടച്ചിടും

മുംബൈ: ഒക്ടോബർ 13ന് രാജ്യവ്യാപകമായി പെട്രോൾ പാമ്പുകൾ അടച്ചിട്ട് പ്രതിഷേധിക്കാൻ യുണൈറ്റഡ് പെട്രോളിയം ഫ്രണ്ട് തീരുമാനിച്ചു. ദിനംപ്രതി ഇന്ധനവിലയിൽ മാറ്റുന്നതിന്‍റെ മറവിൽ പെട്രോൾ, ഡീസൽ വില എണ്ണക്കമ്പനികൾ അന്യായമായി വർധിപ്പിക്കുന്നതിനെതിരെയാണ് പ്രതിഷേധം.

24 മണിക്കൂർ പാമ്പുകൾ അടച്ചിട്ടുള്ള പ്രതിഷേധത്തിന് ശേഷവും അനുകൂല തീരുമാനം ഉണ്ടായില്ലെങ്കിൽ ഈ മാസം 27 മുതൽ അനിശ്ചിതകാല സമരം അരമഭിക്കുമെന്നും സംഘടന അറിയിച്ചു. പെട്രോളിയം ഉൽപന്നങ്ങളെ ജിഎസ്ടി പരിധിയിൽ കൊണ്ടുവരിക, പെട്രോൾ ഇകൊമേഴ്സ് പോർട്ടലുകളിലൂടെ ഹോം ഡെലിവറി നടത്താനുള്ള തീരുമാനം പിൻവലിക്കുക എന്നീ ആവശ്യങ്ങളും വ്യാപാരികൾ മുന്നോട്ട് വെക്കുന്നുണ്ട്.

Petrol pumps will shut down on October 13

United Petroleum Front declared a shut down of petrol pumps on 13th of this month as protest against fuel price hike