ജൂലൈ 12 ബുധനാഴ്ച രാജ്യത്തെ പെട്രോളിയം ഡീലർമാർ പണിമുടക്കുന്നു

ജൂലൈ 12 ബുധനാഴ്ച രാജ്യവ്യാപകമായി പെട്രോളിയം ഡീലർമാർ പണിമുടക്കും. ദൈനംദിനമുള്ള ഇന്ധനവില പുതുക്കൽ കച്ചവടക്കാർക്ക് നഷ്ടമുണ്ടാക്കുന്നുവെന്ന് കാണിച്ച് ഓൾ ഇന്ത്യ പെട്രോളിയം ഡീലേഴ്സ് അസോസിയേഷനാണ് പണിമുടക്കിന് ആഹ്വാനം ചെയ്തിരിക്കുന്നത്. അന്നേദിവസം യാതൊരുവിധ ഇടപാടുകൾ നടത്തില്ലെന്നും അസോസിയേഷൻ വ്യക്തമാക്കി. പെട്രോൾ-ഡീസൽ വില ദിനംപ്രതി പുതുക്കുമെന്നുള്ള സർക്കാർ നീക്കത്തിൽ ചെറുകിട-വൻകിട കച്ചവടക്കാർക്ക് വൻ നഷ്ടമാണുണ്ടായിരിക്കുന്നത്. ജൂൺ പതിനാറാം തീയതി മുതലാണ് രാജ്യത്ത് ഇന്ധന വില പുതുക്കൽ നടപ്പിലാക്കിയത്.

ഈ പരിഷ്കാരം നടപ്പിലാക്കുന്നതിന് മുൻപ് മാസത്തിൽ രണ്ട് തവണയായിരുന്നു ഇന്ധനവില പുതുക്കിയിരുന്നത്. അന്തർദേശീയ വിപണികളിൽ വരുന്ന വില വ്യത്യാസവും വിനിമയ നിരക്കും അടിസ്ഥാനപ്പെടുത്തിയായിരുന്നു രണ്ടുതവണകളായുള്ള പുതുക്കൽ നടപ്പിലാക്കിയിരുന്നത്. പ്രതിദിനം ഇന്ധനവില പരിഷ്കരിച്ച് തുടങ്ങിയപ്പോൾ കച്ചവടക്കാർക്കത് വൻ നഷ്ടവും വരുത്തി.

Petroleum dealers call nationwide strike on July 12

The All India Petrol Dealers’ Association (AIPDA) has announced a nationwide “no-purchase” agitation on July 5 that will be followed by a petrol pump strike on July 12.