ബാങ്ക് അക്കൗണ്ട് ആധാറുമായി ബന്ധിപ്പിക്കുന്നതിന് എതിരെ ഹര്ജി
ആധാർ കാർഡ് ബാങ്ക് അക്കൗണ്ടുമായും മൊബൈൽ ഫോണുമായും ബന്ധിപ്പിക്കുന്നത് നിർബന്ധമാക്കിയ ഉത്തരവിനെ ചോദ്യം ചെയ്തു കൊണ്ടാണ് ഹർജി.
TNN 22 Oct 2017, 10:26 am
ന്യൂഡൽഹി: ബാങ്ക് അക്കൗണ്ടുകൾ നിർബന്ധമായും ആധാറുമായി ബന്ധിപ്പിക്കണമെന്നുള്ള നിർദ്ദേശത്തിന് എതിരെ സുപ്രീംകോടതിയിൽ ഹർജി. ആധാർ കാർഡ് ബാങ്ക് അക്കൗണ്ടുമായും മൊബൈൽ ഫോണുമായും ബന്ധിപ്പിക്കുന്നത് നിർബന്ധമാക്കിയ ഉത്തരവിനെ ചോദ്യം ചെയ്തു കൊണ്ടാണ് ഹർജി.
ആധാർ കാർഡ് ബാങ്ക് അക്കൗണ്ടുമായി ബന്ധിപ്പിക്കേണ്ടത് നിർബന്ധമാണെന്ന് റിസർവ് ബാങ്ക് ഓഫ് ഇന്ത്യ കഴിഞ്ഞദിവസം വ്യക്തമാക്കിയിരുന്നു. ഇതിനു പിന്നാലെയാണ് ഇതിനെ ചോദ്യം ചെയ്ത് സുപ്രീംകോടതിയിൽ ഹർജി സമർപ്പിക്കപ്പെട്ടിരിക്കുന്നത്.
അനധികൃത പണമിടപാട് നിയന്ത്രണ നിയമം അനുസരിച്ച് ആധാർ കാർഡ് ബാങ്ക് അക്കൗണ്ടുമായി ലിങ്ക് ചെയ്യണമെന്നാണ് ആർ ബി ഐ വ്യക്തമാക്കിയത്. സ്ത്രീ അവകാശ പ്രവർത്തകയായ കല്യാണി മേനോൻ സെൻ ആണ് ഹർജിയുമായി സുപ്രീംകോടതിയെ സമീപിച്ചത്.
ആധാർ കാർഡ് ബാങ്ക് അക്കൗണ്ടുമായും മൊബൈൽ ഫോണുമായും ബന്ധിപ്പിക്കണമെന്ന് പറയുന്നത് വ്യക്തികളുടെ സ്വകാര്യതയ്ക്കുള്ള അവകാശത്തെ ഹനിക്കുന്നതാണെന്നും അതിനാൽ തന്നെ ഭരണഘടനയ്ക്ക് നിരക്കുന്നല്ലെന്നും ഹർജിയിൽ വ്യക്തമാക്കുന്നു. തീരുമാനത്തിൻ്റെ ഭരണഘടന സാധ്യത ചോദ്യം ചെയ്താണ് ഹർജി ഫയൽ ചെയ്തിരിക്കുന്നത്.
Plea filed in SC against Bank account link to Adhar
Plea filed in Supreme Court against Bank account link to Adhar