സമാധാനം ആഗ്രഹിച്ചാണ് ലാഹോറില്‍ പോയത്: മോദി

ന്യൂഡല്‍ഹി: പാകിസ്താനിലെ ലാഹോറില്‍ അപ്രതീക്ഷിത സന്ദര്‍ശനം നടത്തിയത് സമാധാനം ആഗ്രഹിച്ചായിരുന്നുവെന്നും എന്നാല്‍ ഇന്ത്യക്ക് ഒറ്റയ്ക്ക് സമാധാനത്തിന്റെ പാതയിലൂടെ നടക്കാനാവില്ലെന്ന് പ്രധാനമന്ത്രി നരേന്ദ്ര മോദി.

ന്യൂഡല്‍ഹിയില്‍ 69 രാജ്യങ്ങള്‍ പങ്കെടുക്കുന്ന രണ്ടാം റെയ്സീന സമ്മേളനത്തില്‍ സംസാരിക്കുകയായിരുന്നു പ്രധാനമന്ത്രി. ഇന്ത്യയുമായി ചര്‍ച്ച ആഗ്രഹിക്കുന്നുണ്ടെങ്കില്‍ പാകിസ്താന്‍ ഭീകരപ്രവര്‍ത്തനങ്ങളില്‍ നിന്ന് മാറിനില്‍ക്കണമെന്നും മോദി ആവശ്യപ്പെട്ടു. 2015 ഡിസംബറിലാണ് അഫ്ഗാനിസ്ഥാനില്‍ നിന്ന് മടങ്ങുന്ന വഴി മോദി ലാഹോറില്‍ അപ്രതീക്ഷിത സന്ദര്‍ശനം നടത്തിയത്. പാകിസ്താന്‍ പ്രധാനമന്ത്രി നവാസ് ഷെരീഫിന്റെ വീട് സന്ദര്‍ശിച്ച അദ്ദേഹം നവാസ് ഷെരീഫിന്റെ കൊച്ചുമകളുടെ വിവാഹച്ചടങ്ങിലും സംബന്ധിച്ചിരുന്നു..

pm modi about Lahore visit.