ജന്മദിനത്തിൽ അമ്മ ഹീരാബെന്നിനൊപ്പം ഭക്ഷണം കഴിച്ച് നരേന്ദ്ര മോദി

അഹമ്മദാബാദ്: 69-ാം ജന്മദിനം ആഘോഷിക്കുന്ന പ്രധാനമന്ത്രി നരേന്ദ്ര മോദി മാതാവ് ഹീരാബെന്നിനെ കണ്ടു. ഗാന്ധിനഗറിലെ വീട്ടിലെത്തിയായിരുന്നു സന്ദർശനം. അമ്മയോടൊപ്പം മോദി ഭക്ഷണം കഴിച്ചു. തിങ്കളാഴ്ച വൈകിട്ടാണ് മോദി ഗുജറാത്തിലെത്തിയത്. ഗുജറാത്ത് സർക്കാർ സർദാർ സരോവർ ഡാമിൽ സംഘടിപ്പിക്കുന്ന നമാമി ദേവി നർമതാ മഹോത്സവത്തിലും മോദി പങ്കെടുത്തു.


മോദിയുടെ ജന്മദിനം സേവാ സപ്ത എന്ന സേവന പരിപാടിയിലൂടെ ബിജെപി ആഘോഷിക്കുകയാണ്. ഇതിന്റെ ഭാഗമായി ഡൽഹി എയിംസ് ആശുപത്രി ആഭ്യന്തര മന്ത്രി അമിത് ഷായുടെ നേതൃത്വത്തിൽ ശുചീകരിച്ചിരുന്നു. നേതൃപരിശോധനാ ക്യാമ്പുകളും രക്ത പരിശോധനാ ക്യാമ്പുകളും നടത്താനും ബിജെപിക്ക് പദ്ധതിയുണ്ട്.

69 ൻ്റെ നിറവിൽ പ്രധാനമന്ത്രി നരേന്ദ്ര മോദി; ആഘോഷമാക്കാൻ ബിജെപി

2014ൽ രണ്ടു തവണ നരേന്ദ്ര മോദി മാതാവ് ഹീരാബെന്നിനെ സന്ദർശിച്ചിരുന്നു. തുടർന്നങ്ങോട്ടുള്ള എല്ലാ വർഷവും മോദി മാതാവിനെ കണാൻ സമയം കണ്ടെത്താറുണ്ട്. 2014ലിലെ ചരിത്ര വിജയത്തിനു ശേഷം അഹമ്മദാബാദിലെ വീട്ടിലെത്തി മോദി ഹീരാ ബെന്നിന്റെ പാദങ്ങളിൽ സ്പർശിച്ചു. അന്ന് 95 വയസായിരുന്നു ഹീരാബെന്നിന്. 5001 രൂപയാണ് അന്ന് ഹീരാബെൻ മോദിക്ക് ജന്മദിന സമ്മാനമായി നൽകിയത്. ജമ്മു കാശ്മീരിലെ പ്രളയ ദുരിതാശ്വാസ നിധിയിലേക്ക് മോദി ആ പണം സംഭാവന ചെയ്തു.