പ്രധാനമന്ത്രി നരേന്ദ്ര മോദി വാരണാസിയില്‍; ഉദ്ഘാടനം ചെയ്യുന്നത് 30 പ്രൊജക്ടുകള്‍

വാരണാസി：പ്രധാനമന്ത്രി നരേന്ദ്ര മോദി ഇന്ന് തന്റെ ലോകസഭാ മണ്ഡലമായ വാരണാസിയില്‍ സന്ദര്‍ശനം നടത്തും. പുതിയ 30 പൊജക്ടുകളുടെ ഉദ്ഘാടനത്തിന് വേണ്ടിയാണ് പ്രധാനമന്ത്രി ഇന്ന് യുപിയിലെ തന്റെ മണ്ഡലത്തില്‍ എത്തിയിരിക്കുന്നത്. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും ഗവര്‍ണര്‍ ആനന്ദിബെന്‍ പട്ടേലും മറ്റ് ബിജെപി നേതാക്കളും ചേര്‍ന്ന് പ്രധാനമന്ത്രിയെ സ്വീകരിച്ചു.

Also Read : 'വിലക്ക് വകവെച്ചില്ല'; അമിത് ഷായുടെ വസതിയിലേക്ക് ഷഹീൻ ബാഗ് പ്രതിഷേധക്കാർ മാർച്ച് ആരംഭിച്ചു

ആര്‍എസ്എസ് മുന്‍ നേതാവ് ദീന്‍ദയാല്‍ ഉപാദ്ധ്യായയുടെ 63 അടി ഉയരമുള്ള പ്രതിമ പ്രധാനമന്ത്രി ഇന്ന് അനാച്ഛാദനം ചെയ്തു. 200ലധികം കരകൗശല വിദഗ്ദ്ധര്‍ ചേര്‍ന്ന് ഒരു വര്‍ഷമെടുത്താണ് പ്രതിമ നിര്‍മ്മിച്ചത്. പണ്ഡിറ്റ് ദീന്‍ദയാല്‍ ഉപാദ്ധ്യായ മെമ്മോറിയല്‍ സെന്ററിന്റെ ഭാഗമായാണ് പ്രതിമ അനാച്ഛാദനം ചെയ്യുന്നത്.

Also Read : ഡൽഹിയുടെ മുഖ്യമന്ത്രിയായി മൂന്നാമതും; കെജ്രിവാൾ സത്യപ്രതിജ്ഞ ചെയ്‌ത് അധികാരമേറ്റു

ഇതിന് പുറമെ തീര്‍ത്ഥാടന കേന്ദ്രങ്ങളായ വാരണാസി, ഉജ്ജയിന്‍, ഓം കാരേശ്വര്‍ എന്നിവിടങ്ങളെ ബന്ധിപ്പിച്ചുള്ള മഹാ കാല്‍ എക്സ്പ്രസിന് ഫ്ലാഗ് ഓഫ് കര്‍മ്മവും അദ്ദേഹം നിര്‍വഹിക്കും.

കൂടാതെ, തന്റെ മണ്ഡലത്തിലെ പുതുതായി നിര്‍‍മ്മിച്ച അത്യാധുനിക സംവിധാനങ്ങളുള്ള സൂപ്പര്‍ സ്പെഷ്യാലിറ്റി ആശുപത്രിയും പ്രധാനമന്ത്രി ഉദ്ഘാടനം ചെയ്യും. 430 ബെഡുകളുള്ള ആശുപത്രിയാണിത്. ഇതിന് പുറമെ ബനാറസ് ഹിന്ദു സര്‍വകലാശാലയിലെ മനോരോഗ ആശുപത്രി വിഭാഗവും ഉദ്ഘാടനം നിര്‍വഹിക്കുന്നുണ്ട്. ഇതിന് പുറമെ നിരവധി പദ്ധതികളും പ്രധാനമന്ത്രി ഉദ്ഘാടനം നിര്‍വഹിക്കുന്നുണ്ട്.

ഡല്‍ഹി മുഖ്യമന്ത്രിയായി അരവിന്ദ് കെജ്രിവാള്‍ സത്യപ്രതിജ്ഞ ചെയ്ത ദിവസമാണ് പ്രാധനമന്ത്രി ഉദ്ഘാടന മാരത്തോണുമായി വാരണാസിയിലേക്ക് പുറപ്പെട്ടത്. തന്റെ സത്യപ്രതിജ്ഞ ചടങ്ങില്‍ പങ്കെടുക്കാന്‍ പ്രധാനമന്ത്രിയെ ക്ഷണിച്ചിരുന്നു.