കരുണാനിധിക്ക് അന്ത്യാഞ്ജലി: പ്രധാനമന്ത്രി നാളെ ചെന്നൈയില്‍

ചെന്നൈ: തമിഴ്നാട് മുന്‍ മുഖ്യമന്ത്രി കരുണാനിധിക്ക് അന്തിമോപചാരമര്‍പ്പിക്കുന്നതിനായി പ്രധാനമന്ത്രി നരേന്ദ്രമോദി നാളെ ചെന്നൈയിലെത്തും. കലൈഞ്ജറുടെ വിയോഗത്തില്‍ അഗാധമായ ദു:ഖമാണുള്ളതെന്നും ജനകീയനായ നേതാവിനെയാണ് രാജ്യത്തിന് നഷ്ടമായതെന്നും പ്രധാനമന്ത്രി ട്വിറ്ററില്‍ പോസ്റ്റ് ചെയ്ത അനുശോചന സന്ദേശത്തില്‍ കുറിച്ചു.

രാഷ്ട്രപതി രാംനാഥ് കോവിന്ദും കരുണാനിധിയുടെ വിയോഗത്തില്‍ അനുശോചനം രേഖപ്പെടുത്തി. തമിഴ്നാടിന്‍റെ വികസന നായകനെയാണ് നഷ്ടമായതെന്ന് രാഷ്ട്രപതി ട്വിറ്ററില്‍ കുറിച്ചു. കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധിയും മുതിര്‍ന്ന നേതാവ് ഗുലാം നബി ആസാദും നാളെ രാവിലെ ചെന്നൈയിലെത്തും.