പുല്‍വാമയില്‍ രാജ്യം വേദനിച്ചപ്പോള്‍ ചിലര്‍ വൃത്തികെട്ട രാഷ്ട്രീയം കളിച്ചു: പ്രധാനമന്ത്രി

കേവാദിയ, ഗുജറാത്ത്: കഴിഞ്ഞ വര്‍ഷം 40 സിആര്‍പിഎഫ് ഉദ്യോഗസ്ഥര്‍ കൊല്ലപ്പെട്ട പുല്‍വാമ ഭീകരാക്രമണത്തിന്റെ സത്യം പാകിസ്ഥാന്‍ പാര്‍ലമെന്റില്‍ അംഗീകരിച്ചതായി പ്രധാനമന്ത്രി നരേന്ദ്രമോദി. പുല്‍വാമ ഭീകരാക്രമണത്തില്‍ ധീരരായ സൈനികരുടെ മരണത്തില്‍ രാജ്യം മുഴുവന്‍ വിലപിക്കുമ്പോള്‍ ചിലര്‍ തങ്ങളുടെ രാഷ്ട്രീയ നേട്ടങ്ങള്‍ക്കായി വൃത്തികെട്ട രാഷ്ട്രീയത്തില്‍ ഏര്‍പ്പെട്ടെന്നും പ്രധാനമന്ത്രി പറഞ്ഞു.

Also Read: എങ്ങനെ കൊവിഡിനിടയിലെ 'ഉത്സവകാലം' ആഘോഷിക്കാം? മാര്‍ഗ്ഗനിര്‍ദേശങ്ങള്‍ ഇവയാണ്

പാകിസ്ഥാനിലെ സയന്‍സ് ആന്റ് ടെക്‌നോളജി മന്ത്രി ഫവദ് ചൗദരി നാഷണല്‍ അസംബ്ലിയ്ക്കിടെ നടത്തിയ പ്രസ്താവനയ്ക്ക് പിന്നാലെയാണ് പ്രധാനമന്ത്രി പ്രതികരിച്ചത്. സര്‍ദായ് വല്ലഭായ് പട്ടേലിന്റെ 145ാം ജന്മവാര്‍ഷികത്തോട് അനുബന്ധിച്ച് ഗുജറാത്തില്‍ സബര്‍മതി തീരത്ത് സ്റ്റാച്യു ഓഫ് യൂണിറ്റിയില്‍ സീപ്ലെയിന്‍ സര്‍വീസ് ഉദ്ഘാടനം ചെയ്ത് സംസാരിക്കുകയായിരുന്നു പ്രധാനമന്ത്രി മോദി.


'പുല്‍വാമ ആക്രമണത്തിന് ശേഷം നടന്ന അനാവശ്യ പ്രസ്താവനകള്‍ രാജ്യത്ത് മറക്കാന്‍ കഴിയില്ല. രാജ്യം അത്യന്തം വേദന അനുഭവിക്കുമ്പോള്‍ സ്വാര്‍ത്ഥതയും ധാര്‍ഷ്ട്യവും നിറഞ്ഞ വൃത്തികെട്ട രാഷ്ട്രീയം അതിന്റെ ഉച്ചസ്ഥായിയിലായിരുന്നു', പ്രധാനമന്ത്രി പറഞ്ഞു.

Also Read: 48,268 പേർക്ക് കൂടി കൊവിഡ്, 551 മരണം; രാജ്യത്തെ ആകെ രോഗബാധിതരുടെ എണ്ണം 81,37,119 ആയി ഉയർന്നു

'നമ്മുടെ അയല്‍രാജ്യത്തെ പാര്‍ലമെന്റില്‍ സത്യ അംഗീകരിച്ചതിന് പിന്നാലെ അത്തരം ആളുകളുടെ യഥാര്‍ഥ മുഖം തുറന്നുകാട്ടി', അദ്ദേഹം കൂട്ടിച്ചേര്‍ത്തു. രാഷ്ട്രീയ ഉയര്‍ച്ചയ്ക്ക് വേണ്ടി ഏത് പരിധിയും കടക്കാന്‍ കഴിയുമെന്ന് പുല്‍വാമ ഭീകരാക്രമണത്തിനു ശേഷം നടത്തിയ രാഷ്ട്രീയ കളിയില്‍ നിന്നും മനസിലായി. നമ്മുടെ സുരക്ഷാ സേനയുടെ മനോവീര്യത്തെ ബാധിക്കുന്നതിനാല്‍ ഇത്തരത്തിലുള്ള രാഷ്ട്രീയത്തില്‍ ഏര്‍പ്പെടരുതെന്ന് അത്തരം രാഷ്ട്രീയ പാര്‍ട്ടികളോട് ഞാന്‍ അഭ്യര്‍ഥിക്കുന്നു', അദ്ദേഹം പറഞ്ഞു. അറിഞ്ഞോ അറിയാതെയോ ദേശവിരുദ്ധ ശക്തികളുടെ കൈകളില്‍ കളിക്കുന്നത് ഒഴിവാക്കണണെന്ന് മോദി നിര്‍ദേശിച്ചു.