ന്യൂഡല്ഹി: ലഡാഖ് സംഘര്ഷം സംബന്ധിച്ച് സര്വകക്ഷി യോഗത്തിന് ശേഷം പ്രധാനമന്ത്രി നരേന്ദ്ര മോദി നടത്തിയ പ്രസ്താവന വിവാദമായ സാഹചര്യത്തില് വിശദീകരണവുമായി പ്രധാനമന്ത്രിയുടെ ഓഫീസ്. മോദിയുടെ പ്രസ്താവന വളച്ചൊടിച്ച് വിവാദമാക്കാന് ചിലര് ശ്രമിക്കുകയാണെന്ന് പ്രധാനമന്ത്രിയുടെ ഓഫീസ് പുറത്തിറക്കിയ പ്രസ്താവനയില് പറയുന്നു.
Also Read: ഇന്ത്യയുടെ ഗാല്വന് മാത്രമല്ല; ചൈന നോട്ടമിട്ട പ്രദേശങ്ങള് ഇനിയുമുണ്ട്
ഇന്ത്യന് ഭൂമിയില് ആരും അതിക്രമിച്ച് കയറിയിട്ടില്ലെന്ന് മോദിയുടെ പരാമര്ശമാണ് വിവാദമായത്. ഇന്ത്യന് പ്രദേശത്ത് ചൈനീസ് സൈന്യം കടന്നുകയറിയില്ലെങ്കില് പിന്നെ ഇന്ത്യന് സൈനികര് എങ്ങനെയാണ് കൊല്ലപ്പെട്ടതെന്ന് കോണ്ഗ്രസ് നേതാവ് രാഹുല് ഗാന്ധി ഉള്പ്പെടെയുള്ളവര് ചോദിച്ചിരുന്നു.
നിയന്ത്രണരേഖയ്ക്ക് ഇപ്പുറം നിര്മാണ പ്രവര്ത്തനം നടത്താനായിരുന്നു ചൈനീസ് സൈന്യത്തിന്റെ ശ്രമമെന്നും ഇതിനായി വലിയൊരു സംഘം അതിര്ത്തിയിലേക്ക് വന്നുവെന്നും പ്രധാനമന്ത്രിയുടെ ഓഫീസ് പറയുന്നു. ഇന്ത്യന് സൈന്യം ഈ കടന്നുകയറ്റം വിജയകരമായി പരാജയപ്പെടുത്തി എന്നാണ് മോദി ഉദ്ദേശിച്ചതെന്നും പ്രധാനമന്ത്രിയുടെ ഓഫീസ് വിശദീകരിച്ചു. നിയന്ത്രണരേഖ ഏകപക്ഷീയമായി മാറ്റാനുള്ള ചൈനയുടെ ശ്രമം അനുവദിക്കില്ലെന്നും പ്രധാനമന്ത്രിയുടെ ഓഫീസ് വ്യക്തമാക്കുന്നു.
Also Read: അതിര്ത്തിയില് പടയൊരുക്കം: പോര്വിമാനങ്ങള് സജ്ജമാക്കി ഇന്ത്യ
കഴിഞ്ഞ തിങ്കളാഴ്ചയാണ് കിഴക്കന് ലഡാഖിലെ ഗാല്വന് താഴ്വരയില് ഇന്ത്യയുടെയും ചൈനയുടെയും സൈനികര് തമ്മില് ഏറ്റുമുട്ടലുണ്ടായത്. 20 ഇന്ത്യന് സൈനികരാണ് ആക്രമണത്തില് കൊല്ലപ്പെട്ടത്. 40-ലേറെ ചൈനീസ് സൈനികരും കൊല്ലപ്പെട്ടതായി റിപ്പോര്ട്ടുണ്ട്. പ്രശ്നം സമാധാനരമായി പരിഹരിക്കാനുള്ള ശ്രമം ഇരുഭാഗത്തുനിന്നും നടക്കുന്നുണ്ട്. സൈനികതലത്തിലുള്ള സംഭാഷണങ്ങള് തുടരുകയാണ്.