ലഖ്നൗ: യോഗ ഇന്ത്യയെ ലോകവുമായി ബന്ധിപ്പിക്കുന്നെന്ന് പ്രധാനമന്ത്രി നരേന്ദ്ര മോദി. മൂന്നാം അന്താരാഷ്ട്ര യോഗ ദിനം ലഖ്നൗ രമാബായി അംബേദ്കർ മൈതാനത്ത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇന്ത്യയ്ക്ക് പുറത്ത് യോഗ വളരെ ജനപ്രിയമാണ്. യോഗ ലോകവുമായി ഇന്ത്യയെ ബന്ധിപ്പിക്കുന്നു. ഇപ്പോൾ, നിരവധിയാളുകൾക്ക് അവരുടെ ജീവിതത്തിൻ്റെ ഭാഗമാണ് യോഗയെന്നും അദ്ദേഹം പറഞ്ഞു.
യോഗ ദിനാചരണത്തിൽ പങ്കെടുക്കാൻ എത്തിയവർക്ക് ആശംസകൾ നേരുന്നതായി പ്രധാനമന്ത്രി പറഞ്ഞു. യു പി ഗവർണർ രാം നായിക്, മുഖ്യമന്ത്രി യോഗി ആദിത്യനാഥ്, മറ്റു മന്ത്രിമാർ എന്നിവർ ചടങ്ങിൽ പങ്കെടുത്തു. 50,000 പേരാണ് ഉദ്ഘാടാന ചടങ്ങിൽ പെങ്കടുക്കുന്നത്.
അതേസമയം, കഴിഞ്ഞ മൂന്നുവർഷത്തിനിടയിൽ രാജ്യത്ത് നിരവധി യോഗ സെൻ്ററുകൾ ഉണ്ടായതിൽ സന്തോഷമുണ്ടെന്ന് പ്രധാനമന്ത്രി നരേന്ദ്ര മോദി തൻ്റെ ട്വിറ്റർ സന്ദേശത്തിൽ പറഞ്ഞു.
യോഗ അധ്യാപകരുടെ ആവശ്യകതയിൽ വർദ്ധനവ് ഉണ്ടായതായും അദ്ദേഹം പറഞ്ഞു.
ഫിറ്റ്നസിനൊപ്പം തന്നെ രോഗവിമുക്തമായ അവസ്ഥയും ആവശ്യമാണ്. യോഗ നമ്മളെ ആരോഗ്യത്തോടെ ഇരിക്കാൻ സഹായിക്കുന്നു. എല്ലാവരും യോഗയെ അവരുടെ ജീവിതത്തിൻ്റെ ഭാഗമാക്കണമെന്നും അദ്ദേഹം പറഞ്ഞു.
Today, Yoga has become a part of so many lives: PM
Today, Yoga has become a part of so many lives. Yoga's popularity outside India is high & has connected the world with India: PM