പ്രധാനമന്ത്രി വൈദ്യുതിയും വര്‍ഗീയവല്‍കരിക്കുന്നുവെന്ന് അഖിലേഷ്

ജയ്‍പൂര്‍: വൈദ്യുതിയെ പോലും പ്രധാനമന്ത്രി നരേന്ദ്ര മോദി വർഗീയവല്‍കരിക്കാൻ ശ്രമിക്കുന്നതായി ഉത്തര്‍ പ്രദേശ് മുഖ്യമന്ത്രി അഖിലേഷ് യാദവ്. റംസാന് വൈദ്യുതി ലഭിക്കുന്നുണ്ടെങ്കിലും ദീപാവലിക്കും വൈദ്യുതി ലഭിക്കണമെന്ന് പ്രധാനമന്ത്രി പരാമർശിച്ചതിന് മറുപടിയാണ് അഖിലേഷ് നൽകിയത്.

മോദിയുടെ പ്രസ്‌താവന അടിസ്ഥാനരഹിതമാണെന്ന് തെളിയിക്കാനുള്ള കണക്കുകൾ തന്‍റെ പക്കലുണ്ടെന്ന് അഖിലേഷ് പറഞ്ഞു. അവസാനഘട്ട വോട്ടെടുപ്പിന്‍റെ റാലിക്കിടെയായിരുന്നു അഖിലേഷിന്‍റെ പരാമര്‍ശം. പ്രധാനമന്ത്രിയുടെ മണ്ഡലമായ വാരണാസിയില്‍ എല്ലായ്‌പ്പോഴും വൈദ്യുതി ഉണ്ടോ എന്ന് അദ്ദേഹം വ്യക്തമാക്കണമെന്നും അഖിലേഷ് ആവശ്യപ്പെട്ടു.

കാശി വിശ്വനാഥ ക്ഷേത്രത്തില്‍ ശനിയാഴ്ച 15 മിനിറ്റ് പവര്‍കട്ടായിരുന്നുവെന്ന് കഴിഞ്ഞ ദിവസം മോദി ആരോപിച്ചിരുന്നു.

PM tries to communalise electricity too, says Akhilesh

Akhilesh accuses PM Modi tries to separate people as Muslims and Hindus as well even electricity