പിഎന്‍ബി തട്ടിപ്പ്: 8 ജീവനക്കാര്‍ക്ക് കൂടി സസ്‌പെന്‍ഷന്‍

മുംബൈ: സാമ്പത്തിക തട്ടിപ്പുമായി ബന്ധപ്പെട്ട് ജനറല്‍ മാനേജര്‍ തസ്തികയിലുള്ള ഒരു ജീവനക്കാരനുള്‍പ്പടെ എട്ട് ജീവനക്കാരെക്കൂടി പഞ്ചാബ് നാഷണല്‍ ബാങ്ക് സസ്പെന്‍ഡ് ചെയ്തു. നേരത്തെ 10 ജീവനക്കാരെ അന്വേഷണവിധേയമായി സസ്പെന്‍ഡ് ചെയ്തിരുന്നു.

നീരവ് മോദിയുമായും അനധികൃത പണമിടപാടുമായും ഇവര്‍ക്കുള്ള ബന്ധം സംശയാസ്പദമാണെന്ന് കണ്ടതിനെത്തുടര്‍ന്നായിരുന്നു സസ്പെന്‍ഷന്‍.

ജാമ്യച്ചീട്ടുകളിന്മേല്‍ മറ്റ് ബാങ്കുകള്‍ക്ക് നല്‍കാനുള്ള തുക മാര്‍ച്ച് 31നകം അടച്ചുതീര്‍ക്കുമെന്ന് ബാങ്ക് അധികൃതര്‍ അറിയിച്ചിട്ടുണ്ട്. അന്വേഷണ റിപ്പോര്‍ട്ട് ലഭിച്ചാലേ തുക എത്രയെന്ന് വ്യക്തമാവൂ. അതിനു ശേഷം പണം തിരികെനല്‍കാനാണ് ബാങ്ക് തീരുമാനം.