കരട് രാഷ്ട്രീയപ്രമേയത്തിൽ തീരുമാനം ഇന്ന് തന്നെ:കാരാട്ട്

ഹൈദരാബാദ്: പാർട്ടി കോൺഗ്രസിൽ പ്രതിനിധികൾ ആരെങ്കിലും ആവശ്യപ്പെട്ടാൽ കരട് രാഷ്ട്രീയ പ്രമേയം വോട്ടിനിടുമെന്ന് മുൻ ജനറൽ സെക്രട്ടറി പ്രകാശ് കാരാട്ട്. ഭൂരിപക്ഷ അഭിപ്രായവും ന്യൂനപക്ഷ അഭിപ്രായവും പാർട്ടിക്കുള്ളിൽ ഉണ്ട്. ഇന്ന് തന്നെ പ്രായത്തിന്മേൽ തീരുമാനമുണ്ടാകുമെന്നും കാരാട്ട് അറിയിച്ചു. പ്രമേയത്തിൽ ഭേദഗതി ഉണ്ടെങ്കിൽ അതിനുവേണ്ടി വനങ്ങൾ വോട്ടെടുപ്പ് നടത്തുമെന്നും അദ്ദേഹം വ്യക്തമാക്കി.

രഹസ്യ ബാലറ്റെന്ന പതിവ് സിപിഎമ്മിൽ ഇല്ലെന്ന് കാരാട്ട് വ്യക്തമാക്കി. രാഷ്ട്രീയ നിലപാട് എല്ലാവരും പരസ്യമായാണ് പാർട്ടിയിൽ പറയുന്നത്. ഭൂരിപക്ഷ അഭിപ്രായം പാർട്ടി തീരുമാനമായി മാറും അത് അംഗീകരിക്കാൻ എല്ലാവരും ബാധ്യസ്ഥരാണെന്നും കാരാട്ട് ചൂണ്ടികാണിച്ചു.47 പേർ പൊതു ചർച്ചയിൽ പങ്കെടുത്തു. കോൺഗ്രസ് സഹകരണം ആവശ്യമാണെന്ന സീതാറാം യെച്ചൂരിയുടെ അഭിപ്രായത്തോട് ബംഗാൾ ഘടകം യോജിക്കുമ്പോൾ കേരള ഘടകം ആ അഭിപ്രായത്തോടുള്ള വിയോജിപ്പ് വ്യക്തമാക്കുന്നു. തീരുമാനമുണ്ടായി കഴിഞ്ഞാൽ ന്യൂനപക്ഷവും ഭൂരിപക്ഷവുമുണ്ടാകില്ലെന്നും കാരാട്ട് കൂട്ടിചേർത്തു.