Independence Day Quotes : ഇന്ത്യന്‍ സ്വാതന്ത്ര്യ സമരത്തെ ഇളക്കിമറിച്ച വാക്കുകൾ

"ഇനിയും നിങ്ങളുടെ രക്തം തിളയ്‍ക്കുന്നില്ലെങ്കിൽ നിങ്ങളുടെ ഞരമ്പുകളില്‍ ഓടുന്നത് വെറും വെള്ളമായിരിക്കും"

രാജ്യം 71ാം സ്വാതന്ത്ര്യ ദിനം ആഘോഷിക്കുകയാണിന്ന്. രണ്ടു നൂറ്റാണ്ടോളം നീണ്ട ബ്രിട്ടീഷ് ഭരണത്തിന് അറുതി വരുത്തിയ ദിവസം. ഒരു സാധാരണ പോരാട്ടമായിരുന്നില്ല ഇന്ത്യയുടെ സ്വാതന്ത്ര്യ സമരം. ആയുധത്തെക്കാള്‍ പലപ്പോളും ആശയങ്ങളാണ് അതിനെ നയിച്ചത്. നാടിന്‍റെ അഭിമാനം കാത്തുരക്ഷിക്കാന്‍ പ്രതിജ്ഞാബദ്ധരായ നേതാക്കന്‍മാരുടെ വാക്കുകള്‍ സമരമുഖത്തേക്ക് ജനകോടികളെ ആകര്‍ഷിച്ചു. ഈ സ്വാതന്ത്ര്യദിനത്തില്‍ അത്തരം ചില ആഹ്വാനങ്ങള്‍ പരിചയപ്പെടാം.

1. നിങ്ങളുടെ രക്തം തിളയ്‍ക്കുന്നില്ലെങ്കില്‍....

ഇനിയും നിങ്ങളുടെ രക്തം തിളയ്‍ക്കുന്നില്ലെങ്കിൽ നിങ്ങളുടെ ഞരമ്പുകളില്‍ ഓടുന്നത് വെറും വെള്ളമായിരിക്കും. മാതൃഭൂമിയുടെ സേവനത്തിനു വേണ്ടിയല്ലെങ്കില്‍ പിന്നെന്തിനാണീ യുവത്വം - ചന്ദ്രശേഖ‍ര്‍ ആസാദ്.

2. സ്വരാജ്യം എൻെറ ജന്മാവകാശമാണ്

സ്വരാജ്യം എൻെറ ജന്മാവകാശമാണ്. ഞാൻ അത് നേടുകതന്നെ ചെയ്യും - ബാലഗംഗാധര തിലകൻ

3. ബോംബുകളും തോക്കുകളും വിപ്ലവം കൊണ്ടുവരില്ല

ബോംബുകളും തോക്കുകളുംകൊണ്ട് വിപ്ലവം നടത്താനാവില്ല. വിപ്ലവത്തിന്‍റെ വാള്‍ മൂര്‍ച്ച കൂട്ടേണ്ടത് ആശയങ്ങളുടെ ഉരകല്ലിലാണ് - ഭഗത് സിങ്

4. വ്യക്തി മരിക്കും, ആശയം മരിക്കുന്നില്ല

ഒരു വ്യക്തി മരിച്ചേക്കാം. എന്നാല്‍ ആശയം മരണശേഷവും നിലനില്‍ക്കുകയും ആയിരങ്ങള്‍ക്ക് ജീവന്‍ നല്‍കുകയും ചെയ്യും - സുഭാഷ് ചന്ദ്രബോസ്

5. ആശയത്തിനുവേണ്ടി ഇല്ലാതാവുക

എന്തിനുവേണ്ടിയാണോ ഞാൻ ഇല്ലാതാവാൻ പോകുന്നത്, അതിനുവേണ്ടി എന്‍റെ മക്കളും പോരാടണമെന്നതാണ് എന്‍റെ സ്വപ്‍നം - അഷ്ഫാക്കുള്ളാ ഖാൻ