പ്രധാനമന്ത്രി മാതൃ വന്ദന യോജന കേരളത്തില്‍

കൊച്ചി: കേന്ദ്ര വനിതാ ശിശുക്ഷേമ മന്ത്രാലയത്തിന്‍റെ പ്രധാനമന്ത്രി മാതൃ വന്ദന യോജന പദ്ധതി കേരളത്തില്‍ നടപ്പാക്കാനുള്ള നടപടികള്‍ തുടങ്ങി. ഇതിനായി ഈ വര്‍ഷം ജനുവരി മുതല്‍ സെപ്റ്റംബര്‍ വരെയുള്ള ഗര്‍ഭിണികളെ സംബന്ധിച്ച വിവരങ്ങള്‍ ലഭ്യമാക്കാനുള്ള നടപടികളാണ് സംസ്ഥാന സര്‍ക്കാര്‍ തുടങ്ങിയത്. കേന്ദ്രവും സംസ്ഥാനങ്ങളുമായി സഹകരിച്ചാണ് പദ്ധതി നടപ്പാക്കുന്നത്.

പദ്ധതിയുടെ ഭാഗമായി ഗര്‍ഭിണികള്‍ക്കും മുലയൂട്ടുന്ന അമ്മമാര്‍ക്കും ധനസഹായം നല്‍കും. ആദ്യ പ്രസവത്തിന് 5000 രൂപയാണ് ധനസഹായം നല്‍കുക. വിവധ ഗഡുക്കളായുള്ള സഹായത്തിന്‍റെ ആദ്യ ഘട്ടം ഗര്‍ഭകാല രജിസ്ട്രേഷൻ നടത്തുമ്പോളാണ്. 1000 രൂപയാണ് ആദ്യ ഗഡു. ആറു മാസത്തിനുശേഷം 2000 രൂപയുടെ രണ്ടാം ഗഡുവും പ്രസവം നടന്നശേഷം അവസാന ഗഡുവായ 2000 രൂപയും ലഭിക്കും.

എപിഎല്‍, ബിപിഎല്‍ വ്യത്യാസമില്ലാതെ എല്ലാവര്‍ക്കും സഹായം ലഭിക്കുമെങ്കിലും കേന്ദ്ര-സംസ്ഥാന ജീവനക്കാര്‍ക്കോ പൊതുമേഖലാ സ്ഥാപനങ്ങളിലെ സ്ഥിര ജോലിക്കാര്‍ക്ക് ആനുകൂല്യത്തിന് അപേക്ഷിക്കാന്‍ യോഗ്യതയില്ല. ബാങ്ക് അക്കൗണ്ട് വഴിയാണ് പണം ലഭിക്കുക. ഇതോടൊപ്പം ആരോഗ്യ വകുപ്പിന്‍റെ ജനനി സുരക്ഷാ യോജന വഴി മറ്റൊരു 1000 രൂപയുടെ സഹായവും ഗര്‍ഭിണികള്‍ക്ക് ലഭ്യമാക്കുന്നുണ്ട്.

Pradhan Mantri Matru Vandana Yojana to be implemented in Kerala

The Kerala government has started the procedures to implement Pradhan Mantri Matru Vandana Yojana in the state.