കോൺഗ്രസ് തോറ്റത് രാഹുൽ ഗാന്ധി യോഗ അഭ്യസിക്കാത്തതിനാലെന്ന് ബാബ രാംദേവ്

ന്യൂഡൽഹി: ലോക്സഭാ തെരഞ്ഞെടുപ്പിൽ കോൺഗ്രസിന് തിരിച്ചടി നേരിട്ടത് അധ്യക്ഷൻ രാഹുൽ ഗാന്ധി യോഗ അഭ്യസിക്കാത്തതിനാലെന്ന് യോഗ ഗുരു ബാബ രാംദേവ്. ആരാണോ യോഗ ചെയ്യുന്നത് അവര്‍ക്ക് അച്ഛേ ദിൻ (നല്ല ദിനം) വരുമെന്നും ബാബ രാംദേവ് പറഞ്ഞു.

പ്രധാനമന്ത്രി നരേന്ദ്രമോദി യോഗ ചെയ്യുന്നു. മുൻ പ്രധാനമന്ത്രിമാരായ നെഹ്റുവും ഇന്ദിരയും യോഗ ചെയ്തിട്ടുണ്ട്. എന്നാൽ ഇവരുടെ പിന്‍ഗാമിയായ രാഹുൽ ഗാന്ധി യോഗ ചെയ്യുന്നില്ല. ഇതുകാരണമാണ് രാഹുൽ നയിക്കുന്ന രാഷ്ട്രീയം പരാജയപ്പെടുന്നതെന്നും അദ്ദേഹം കുറ്റപ്പെടുത്തി.

അതേസമയം കഴിഞ്ഞ വര്‍ഷം രാഹുലിനെയും സോണിയാ ഗാന്ധിയെയും പ്രകീര്‍ത്തിച്ച് ബാബ രാംദേവ് രംഗത്തെത്തിയിരുന്നു. എല്ലാ ദിവസവും രാഹുലും സോണിയയും യോഗ അഭ്യസിക്കുമെന്നും ഞങ്ങള്‍ അടുത്ത സുഹൃത്തുക്കളാണെന്നും ബാബ രാംദേവ് പറഞ്ഞിരുന്നു.