കഠ്‍വ സംഭവത്തെ വിമർശിച്ച് രാഷ്‌ട്രപതി രാം നാഥ് കോവിന്ദ്

ശ്രീനഗർ: സ്വാതന്ത്ര്യം ലഭിച്ച് 70 വർഷങ്ങൾക്ക് ശേഷവും കഠ്‍വയിൽ ഉണ്ടായത് പോലുള്ള സംഭവങ്ങൾ അപമാനകാരമെന്ന് രാഷ്‌ട്രപതി രാംനാഥ് കോവിന്ദ്. കത്രയിലെ ശ്രീ മാതാ വൈഷ്ണോദേവി സർവകലാശാലയിൽ നടന്ന ചടങ്ങിൽ സംസാരിക്കുകയായിരുന്നു രാഷ്ട്രപതി.

ഒരു സ്ത്രീക്കും പെൺകുട്ടിക്കും ഇങ്ങനെയൊരു അനുഭവം ഉണ്ടാകില്ലെന്ന് നാം ഉറപ്പാക്കണം. 70 വർഷങ്ങൾക്ക് ശേഷവും ഇങ്ങനെയുള്ള സംഭവങ്ങൾ ഉണ്ടാകുന്നുണ്ടെകിൽ എത്തരത്തിലുള്ള സമൂഹത്തെയാണ് നാം വാർത്തെടുക്കുന്നതെന്നും രാഷ്‌ട്രപതി ചോദിച്ചു. ഓരോ പെൺകുട്ടിയും മാതാ വൈഷ്ണോദേവിയുടെ പ്രതീകമാണെന്ന് ജമ്മുകശ്‌മീർ മുഖ്യമന്ത്രി മെഹ്ബൂബ മുഫ്‌തി പറഞ്ഞു. ഒരു കൊച്ചു പെൺകുട്ടിയോട് ഇങ്ങനെ പെരുമാറുന്ന സമൂഹത്തിന് എന്തൊക്കെയോ കുഴപ്പമുണ്ടെന്നും മെഹ്ബൂബ പറഞ്ഞു.