ഏപ്രില്‍ 12നു ശേഷം കേന്ദ്ര മന്ത്രിസഭയില്‍ അഴിച്ചുപണി എന്ന് സൂചന

ന്യൂഡല്‍ഹി: ഏപ്രില്‍ 12നു ശേഷം പ്രധാനമന്ത്രി നരേന്ദ്ര മോദി കേന്ദ്ര മന്ത്രിസഭ അഴിച്ചുപണിയും എന്ന് സൂചന. നിലവിലെ പാര്‍ലമന്‍റ് സമ്മേളനം കഴിഞ്ഞശേഷം മന്ദ്രിസഭയില്‍ മാറ്റങ്ങള്‍ ഉണ്ടാകുമെന്ന് കേന്ദ്ര വൃത്തങ്ങള്‍ സൂചന നല്‍കി. ചില ഒഴിവുകള്‍ നികത്താനും പുതുതായി ചിലര്‍ക്ക് അവസരമൊരുക്കാനും അഴിച്ചുപണിയിലൂടെ മോദി ലക്ഷ്യമിടുന്നതായാണ് സൂചന.

മനോഹര്‍ പരീക്കര്‍ പ്രതിരോധ മന്ത്രിസ്ഥാനം രാജിവെച്ച് ഗോവ മുഖ്യമന്ത്രിയായതോടെ വകുപ്പിന്‍റെ ചുമതല നിലവില്‍ ധനമന്ത്രിയായ അരുണ്‍ ജയ്‍റ്റ്‍ലിക്കാണ്. എന്നാര്‍ ഭാരിച്ച ഉത്തരവാദിത്തങ്ങളുള്ള രണ്ടു വകുപ്പുകള്‍ ഒരുമിച്ച് കൈകാര്യം ചെയ്യുന്നത് ജയ്‍റ്റ്ലിക്ക് വിഷമകരമാകും. പ്രതിരോധ വകുപ്പിന്‍റെ ചിലവുകള്‍ക്ക് അനുമതി നല്‍കേണ്ടത് ധനമന്ത്രാലയം ആയതിനാല്‍ രണ്ടും ഒരുമിച്ച് കൈകാര്യം ചെയ്യുക ബുദ്ധിമുട്ടുണ്ടാക്കും.

ശസ്ത്രക്രിയക്കു വിധേയയായ വിദേശകാര്യമന്ത്രി സുഷമാ സ്വരാജിന് വിശ്രമം നല്‍കുമെന്ന് പ്രചരണം ഉണ്ടായിരുന്നെങ്കിലും സഭയില്‍ തിരിച്ചെത്തിയ അവര്‍ പൂര്‍ണ ആരോഗ്യവതിയായിരുന്നതിനാല്‍ മോദി എന്ത് തീരുമാനിക്കും എന്ന് വ്യക്കമല്ല. ഇതോടൊപ്പം പുതിയ ചില മുഖങ്ങള്‍ മന്ത്രിസഭയില്‍ ഇടംപിടിക്കുകയും ചിലര്‍ക്ക് സ്ഥാനക്കയറ്റം ലഭിക്കുമെന്നും പ്രതീക്ഷിക്കപ്പെടുന്നു.

Prime Minister Narendra Modi may reshuffle Cabinet after April 12

A Cabinet reshuffle may soon take place and it could happen after the Parliament session gets over on April 12, sources said on Wednesday.