അഹമ്മദാബാദ്: ലോക്സഭാ തെരഞ്ഞെടുപ്പിലെ വിജയത്തിനു പിന്നാലെ നരേന്ദ്ര മോദി ഗുജറാത്തിലെത്തി മാതാവിനെ സന്ദർശിച്ചു. ഞായറാഴ്ച വൈകിട്ട് ബിജെപി റാലിയിൽ പങ്കെടുത്തതിനു ശേഷമാണ് മോദി അമ്മയെ കാണാൻ എത്തിയത്. ഗാന്ധിനഗറിലെ വസതിയിലെത്തി അമ്മ ഹീരാബെൻ മോദിയെ കണ്ടശേഷം അവരുടെ കാൽതൊട്ട് അനുഗ്രഹം വാങ്ങി. മോദിയുടെ തലയിൽതൊട്ട് അമ്മ അനുഗ്രഹിച്ചു. വൻ സുരക്ഷാ സന്നാഹത്തോടെയാണ് മോദി അമ്മയെ കാണാൻ എത്തിയത്.
നേരത്തെ ഗുജറാത്തിലെ തെരഞ്ഞെടുപ്പ് ദിവസം മോദി അമ്മയെ കാണാൻ എത്തിയിരുന്നു. അമ്മയുടെ അനുഗ്രഹം വാങ്ങിയ ശേഷമാണ് മോദി അഹമ്മദാബാദിലെ പോളിങ് ബൂത്തിൽ വോട്ട് ചെയ്യാനെത്തിയത്.
നേരത്തെ ഗുജറാത്തിലെ തെരഞ്ഞെടുപ്പ് ദിവസം മോദി അമ്മയെ കാണാൻ എത്തിയിരുന്നു. അമ്മയുടെ അനുഗ്രഹം വാങ്ങിയ ശേഷമാണ് മോദി അഹമ്മദാബാദിലെ പോളിങ് ബൂത്തിൽ വോട്ട് ചെയ്യാനെത്തിയത്.