വൻ വികസന പദ്ധതികളുമായി പ്രധാനമന്ത്രി ഇന്ന് സോണിയ ഗാന്ധിയുടെ മണ്ഡലത്തിൽ

ന്യൂഡൽഹി: പ്രധാനമന്ത്രി നരേന്ദ്രമോദി ഇന്ന് റായ‍്‍ബറേലി മണ്ഡലത്തിൽ വൻ വികസന പദ്ധതികൾ ഉദ്ഘാടനം ചെയ്യും. 1100 കോടി രൂപയുടെ പദ്ധിതകൾക്കാണ് പ്രധാനമന്ത്രി ഉദ്ഘാടനം ചെയ്യുന്നത്. യുപിഎ അധ്യക്ഷ സോണിയ ഗാന്ധിയാണ് മണ്ഡലത്തെ പ്രതിനിധീകരിക്കുന്നത്.

പാർലമെൻറ് തെരഞ്ഞെടുപ്പിന് മുമ്പുള്ള ചുവടുവെയ്പായാണ് പ്രധാനമന്ത്രിയുടെ നടപടിയെ വിലയിരുത്തന്നത്. അഹമ്മദാബാദിൽ കുംഭമേളയുടെ ഒരുക്കങ്ങളും മോദി വിലയിരുത്തും. കോൺഗ്രസ് അധ്യക്ഷൻ രാഹുൽ ഗാന്ധിയുടെ മണ്ഡലത്തിൽ വൻ വികസന പദ്ധതികൾക്ക് കേന്ദ്ര സർക്കാർ ലക്ഷ്യമിടുന്നുണ്ട്.

കോൺഗ്രസിലെ പ്രമുഖർ പ്രതിനിധീകരിക്കുന്ന മണ്ഡലങ്ങൾ വരുന്ന തെരഞ്ഞെടുപ്പിൽ പിടിക്കുക എന്നതായിരുന്നു ബിജെപിയുടെ ലക്ഷ്യം. എന്നാൽ ഇക്കഴിഞ്ഞ നിയമസഭാ തെരഞ്ഞെടുപ്പുകളിലെ തിരിച്ചടി ബിജെപിയുടെ ആത്മവിശ്വാസം കുറച്ചിട്ടുണ്ട്.