മൻമോഹൻ സിങിന് 88-ാം പിറന്നാൾ; ആശംസകൾ നേർന്ന് പ്രധാനമന്ത്രി നരേന്ദ്ര മോദി

ന്യൂഡൽഹി: മുൻ പ്രധാനമന്ത്രി മൻമോഹൻ സിങ് 88-ാം പിറന്നാൽ ആഘോഷിക്കുമ്പോള്‍ ആശംസകള്‍ നേര്‍ന്ന് പ്രധാനമന്ത്രി നരേന്ദ്ര മോദി. ട്വിറ്ററിലൂടെയായിരുന്നു മുൻ പ്രധാനമന്ത്രിയ്ക്ക് ദീര്‍ഘായുസ്സ് നേര്‍ന്നു കൊണ്ടുള്ള പ്രധാനമന്ത്രി മോദിയുടെ ആശംസ.

"ഡോ. മൻമോഹൻ സിങിന് പിറന്നാൾ ആശംസകള്‍ നേരുന്നു. ആരോഗ്യത്തോടെ ദീര്‍ഘായുസ്സ് ലഭിക്കാൻ ദൈവത്തോടു പ്രാര്‍ഥിക്കുന്നു." പ്രധാനമന്ത്രി നരേന്ദ്ര മോദി ട്വീറ്റ് ചെയ്തു.

Also Read: 'മിനാരങ്ങളും താഴികക്കുടങ്ങളും തകര്‍ത്തു'; ചൈന പൊളിച്ചു നീക്കിയത് 16,000 മസ്ജിദുകൾ

2004 മുതൽ 2014 വരെയുള്ള കാലത്ത് യുപിഎ സര്‍ക്കാരിനെ നയിച്ചത് മൻമോഹൻ സിങായിരുന്നു. 1991 മുതൽ 1996 വരെ പിവി നരസിംഹ റാവു പ്രധാനമന്ത്രിയായിരുന്ന കാലത്ത് രാജ്യത്തെ സാമ്പത്തിക പരിഷ്കാരങ്ങള്‍ക്ക് ചുക്കാൻ പിടിച്ചതും അന്ന് കേന്ദ്ര ധനമന്ത്രിയായിരുന്ന മൻമോഹൻ സിങായിരുന്നു. സാമ്പത്തിക ശാസ്ത്രജ്ഞനായ അദ്ദേഹം മുൻപ് ഐക്യരാഷ്ട്രസഭയ്ക്കു വേണ്ടിയും റിസര്‍വ് ബാങ്ക് ഗവര്‍ണറായും പ്രവര്‍ത്തിച്ചിട്ടുണ്ട്.

Also Read: വാക്സിൻ കിട്ടും മുൻപേ 20 ലക്ഷം പേരെ മരണം കൊണ്ടുപോകും: മുന്നറിയിപ്പുമായി ലോകാരോഗ്യ സംഘടന

മുൻ കോൺഗ്രസ് അധ്യക്ഷനും വയനാട് എംപിയുമായ രാഹുൽ ഗാന്ധിയും മൻമോഹൻ സിങിന് ഇന്ന് ആശംസകള്‍ നേര്‍ന്നിരുന്നു. ഡോ. മൻമോഹൻ സിങിനെപ്പോലെ അനുഭവ പരിജ്ഞാനമുള്ള ഒരു പ്രധാനമന്ത്രിയുടെ അഭാവം രാജ്യം നേരിടുന്നുവെന്നായിരുന്നു പിറന്നാള്‍ ആശംസ നേര്‍ന്നുകൊണ്ട് രാഹുൽ ഗാന്ധി ട്വീറ്റ് ചെയ്തത്. "ഡോ. മൻമോഹൻ സിങിനെപ്പോലെ അനുഭവജ്ഞാനമുള്ള പ്രധാനമന്ത്രിയുടെ അഭാവം രാജ്യത്തിന് അനുഭവപ്പെടുന്നു. അദ്ദേഹത്തിൻ്റെ സത്യസന്ധതയും മാന്യതയും കൂറും നമുക്കെല്ലാം പ്രചോദനമാണ്. അദ്ദേഹത്തിന് സന്തോഷകരമായ ജന്മദിനവും നല്ലൊരു വര്‍ഷവും നേരുന്നു." രാഹുൽ ഗാന്ധി ട്വീറ്റ് ചെയ്തു. പ്രധാനമന്ത്രി നരേന്ദ്ര മോദിയ്ക്കുള്ള പരോക്ഷവിമര്‍ശനമായിരുന്നു രാഹുൽ ഗാന്ധിയുടെ ആശംസ.