വ്യോമയാന മന്ത്രാലയത്തിന്റെ ചുമതല പ്രധാനമന്ത്രിയ്ക്ക്

ന്യൂഡല്‍ഹി: പ്രധാനമന്ത്രി നരേന്ദ്ര മോദിക്ക് വ്യോമയാന മന്ത്രാലയത്തിന്റെ ചുമതല കൂടി. വ്യോമയാന വകുപ്പു മന്ത്രി അശോക് ഗജപതിറാവു രാജിവച്ചതിനെ തുടര്‍ന്നാണിത്.

വ്യോമയാന മന്ത്രാലയത്തിന്റെ ചുമതല കൂടി പ്രധാനമന്ത്രി ഏറ്റെടുക്കുന്ന വിവരം രാഷ്ട്രപതി രാംനാഥ് കോവിന്ദ് ട്വിറ്ററിലൂടെ അറിയിച്ചു.

ആന്ധ്രാപ്രദേശിന് പ്രത്യേക പദവിയും സെപെഷല്‍ പാക്കേജും അനുവദിക്കാത്തതില്‍ പ്രതിഷേധിച്ചാണ് ടി ഡി പി അംഗമായ അശോക് ഗജപതി റാവു കഴിഞ്ഞ ദിവസം രാജി സമര്‍പ്പിച്ചത്.