അഞ്ചാം ക്ലാസുകാരിയെ പീഡിപ്പിച്ച് ഗർഭിണിയാക്കിയ പ്രിൻസിപ്പൽ പിടിയിൽ

പട്‌ന: അഞ്ചാം ക്ലാസുകാരിയെ പീഡിപ്പിച്ച് ഗർഭിണിയാക്കി. കുട്ടിയെ ക്രൂരമായി പീഡിപ്പിച്ച സ്വകാര്യ സ്‌കൂൾ പ്രിന്‍സിപ്പലിനെയും ക്ലർക്കിനെയും പോലീസ് അറസ്റ്റ് ചെയ്തു. എന്നാൽ, സ്‌കൂളിലെ ക്ളർക് അല്ല, അധ്യാപകനാണ് അറസ്റ്റിലായതെന്നും സൂചനയുണ്ട്.

അഞ്ചാം ക്ലാസുകാരിയായ പെൺകുട്ടിയെ ഒമ്പത് മാസമായി സ്‌കൂൾ പ്രിൻസിപ്പലും ക്ലർക്കും ചേർന്ന് പീഡിപ്പിക്കുകയായിരുന്നു. ഛർദ്ദിലും വയറുവേദനയും അനുഭവപ്പെട്ടതിനെ തുടർന്ന് കുട്ടിയെ രക്ഷിതാക്കൾ ആശുപത്രിയിൽ പ്രവേശിപ്പിച്ചു. തുടർന്ന് നടത്തിയ പരിശോധനയിൽ പെൺകുട്ടി മൂന്നാഴ്‌ച ഗർഭിണിയാണെന്ന് കണ്ടെത്തി. കുട്ടിയെ പ്രിൻസിപ്പൽ കത്തി കാണിച്ച് ഭീഷണിപ്പെടുത്തി പീഡിപ്പിച്ചുവെന്നാണ് മൊഴി.

ദൃശ്യങ്ങൾ പകർത്തിയ ക്ലർക്ക്,അവ സാമൂഹ്യമാധ്യമങ്ങളിൽ പ്രചരിപ്പിക്കുമെന്ന് കുട്ടിയെ ഭീഷണിപ്പെടുത്തിയതായും കുട്ടി മൊഴി നൽകി. പോലീസ് പിടിയിലായ പ്രതികളുടെ മൊബൈൽ ഫോണുകളിൽ അഞ്ചാം ക്ലാസ് വിദ്യാർത്ഥിയായ കുട്ടിയുടെ ചിത്രങ്ങൾ ഉള്ളതായി ഫുൽവാരിഷ് ഷരീഫ് എസ്എച്ച്ഒ ഖ്വൈസർ അലാം വെളിപ്പെടുത്തി. പ്രിൻസിപ്പലിന്റെ ചേമ്പറിനുള്ളിലെ രഹസ്യ മുറിയിൽ വെച്ചാണ് കുട്ടിയെ പീഡിപ്പിച്ചതെന്ന് പോലീസ് കണ്ടെത്തി.