സ്കൂളില്‍ ബീഫ് വിളമ്പി; കുട്ടികളുടെ പരാതിയില്‍ പ്രിന്‍സിപ്പല്‍ അറസ്റ്റില്‍

റാഞ്ചി: സര്‍ക്കാര്‍ സ്‌കൂളില്‍ ബീഫ് പാകം ചെയ്ത് മതവികാരം വ്രണപ്പെടുത്തിയെന്ന ആരോപണത്തെ ​ തുടര്‍ന്ന് പ്രിന്‍സിപ്പലിനെ അറസ്റ്റ് ചെയ്തു. പ്രിന്‍സിപ്പല്‍ റോസ ഹന്‍സ്ദയാണ് അറസ്റ്റിലായത്. ജാര്‍ഖണ്ഡിലെ പാക്കുര്‍ ജില്ലയിലെ മാൽപഹഡി സർക്കാർ സ്കൂളിലാണ് സംഭവം. കുട്ടികള്‍ക്ക് മാംസം വിതരണം ചെയ്ത സഹായിയെയും പോലീസ് അറസ്റ്റു ചെയ്തിട്ടുണ്ട്.

കുട്ടികള്‍ നല്‍കിയ പരാതിയുടെ അടിസ്ഥാനത്തിലാണ് ഇരുവരെയും അറസ്ററ് ചെയ്തത്. പക്ഷേ പോലീസ് എത്തുമ്പോഴേയ്ക്കും ഇവര്‍ ഭക്ഷണാവശിഷ്ടങ്ങള്‍ നീക്കം ചെയ്തിരുന്നു.സ്കൂളില്‍ ബീഫ് പാചകം ചെയ്തതിനു തെളിവുകള്‍ ലഭിച്ചില്ലെന്നും കുട്ടികളുടെ പരാതിയുടെ അടിസ്ഥാനത്തിലാണ് ഇരുവരെയും കസ്റ്റഡിയിലെടുത്തതെന്നും പാകുര്‍ ഡെപ്യൂട്ടി കമ്മീഷണര്‍ ദിലീപ് കുമാര്‍ ഝാ പറഞ്ഞു.

പശുവിനെ കശാപ്പ് ചെയ്യുന്നത് നിരോധിച്ചു കൊണ്ടുള്ള നിയമം 2005ലാണ് ജാര്‍ഖണ്ഡ് പാസ്സാക്കിയത്. നിയമം ലംഘിക്കുന്നവര്‍ക്ക് . അഞ്ച് വര്‍ഷം തടവും 5000രൂപ പിഴയുമാണ് ഏര്‍പ്പെടുത്തിയിരിക്കുന്നത്.

Principal held for cooking 'beef' in school kitchen in Jharkhand

The principal of a government primary school and her relative were arrested on Friday for allegedly cooking beef in the school kitchen in Pakur district.