ഇങ്ങനെയൊരു സഹോദരനെ കിട്ടിയതിൽ അഭിമാനിക്കുന്നു; രക്ഷാ ബന്ധൻ ദിനത്തിൽ വൈകാരികമായ കുറിപ്പുമായി പ്രിയങ്ക ഗാന്ധി

ന്യൂഡൽഹി: രക്ഷാ ബന്ധൻ ദിനത്തിൽ കോൺഗ്രസ് മുൻ ദേശീയ അധ്യക്ഷനും സഹോദരനുമായ രാഹുൽ ഗാന്ധിയെക്കുറിച്ച് വൈകാരികമായ കുറിപ്പുമായി കോൺഗ്രസ് ജനറൽ സെക്രട്ടറി പ്രിയങ്ക ഗാന്ധി. ഇങ്ങനെയൊരു സഹോദരനെ കിട്ടിയതിൽ താൻ അഭിമാനിക്കുന്നെന്ന് പ്രിയങ്ക ട്വിറ്ററിലൂടെയാണ് പറഞ്ഞത്. സ്നേഹവും ക്ഷമയും താൻ പഠിച്ചത് സഹോദരനിൽ നിന്നാണെന്ന് പ്രിയങ്ക പറഞ്ഞ.

'സ്നേഹവും സത്യവും ക്ഷമയും എന്താണെന്ന് ഞാന്‍ പഠിച്ചത് എന്‍റെ സഹോദരനില്‍ നിന്നാണ്. എല്ലാ സന്തോഷത്തിലും സങ്കടത്തിലും ഒരുമിച്ച് ജീവിച്ചവരാണ് ഞങ്ങള്‍. ഇങ്ങനെയൊരു സഹോദരനെ ലഭിച്ചതില്‍ ഞാന്‍ അഭിമാനിക്കുന്നു. എല്ലാവര്‍ക്കും ഹൃദയം നിറഞ്ഞ രക്ഷാബന്ധന്‍ ആശംസകള്‍' എന്നാണ് പ്രിയങ്ക ട്വിറ്റ് ചെയ്തത്.


Also Read: ലഖ്നൗവിൽ കൊവിഡ് സ്ഥിരീകരിച്ച 1119 പേരെക്കുറിച്ച് വിവരമില്ല; ആശങ്കയിൽ നഗരം

നേരത്തെ രാഹുല്‍ ഗാന്ധിയും ട്വിറ്ററില്‍ രക്ഷാബന്ധന്‍ ആശംസകള്‍ അറിയിച്ച് രംഗത്തെത്തിയിരുന്നു. പ്രിയങ്കയ്ക്കൊപ്പമുള്ള ചിത്രം പങ്കുവെച്ചായിരുന്നു രാഹുലിന്‍റെ ട്വീറ്റ്. രക്ഷാ ബന്ധൻ ദിനത്തിൽ ആശംസകൾ പങ്കുവെച്ച് നിരവധിയാളുകളാണ് രംഗത്തെത്തിയിരിക്കുന്നത്.


രക്ഷാബന്ധൻ ദിനത്തിൽ ആശംസകളുമായി എത്തിയ പ്രധാനമന്ത്രി നരേന്ദ്ര മോദി രാജ്യത്തെ എല്ലാ സ്ത്രീശക്തികള്‍ക്കും രക്ഷാബന്ധന്‍ ആശംസകള്‍ അറിയിക്കുന്നുവെന്നായിരുന്നു ട്വിറ്ററിൽ കുറിച്ചത്.