ലഖ്നൗ: ലോക്സഭാ തെരഞ്ഞെടുപ്പിന് ആഴ്ചകള് മാത്രം ബാക്കി നിൽക്കേ പ്രവര്ത്തകരെ ആവേശം കൊള്ളിക്കുന്ന മറുപടിയുമായി എഐസിസി ജനറൽ സെക്രട്ടറി പ്രിയങ്ക ഗാന്ധി. കോൺഗ്രസ് ആവശ്യപ്പെട്ടാൽ തെരഞ്ഞെടുപ്പിൽ മത്സരിക്കാൻ തയ്യാറാണെന്ന് പ്രിയങ്ക ഗാന്ധി പറഞ്ഞു. അതേസമയം, ഇതു സംബന്ധിച്ച ഒരു തീരുമാനവും ഇതുവരെ എടുത്തിട്ടില്ലെന്നും പ്രിയങ്ക ഗാന്ധി വ്യക്തമാക്കി. തെരഞ്ഞെടുപ്പിൽ മത്സരിക്കാൻ താത്പര്യമുണ്ടോ എന്ന മാധ്യമ പ്രവര്ത്തകന്റെ ചോദ്യത്തിന് എന്തുകൊണ്ട് ഇല്ല എന്നായിരുന്നു പ്രിയങ്ക ഗാന്ധിയുടെ മറുപടി. ഇതോടെ മാധ്യമപ്രവര്ത്തകന് ചോദ്യം ആവര്ത്തിക്കുകയായിരുന്നു. ഇതോടെ പ്രിയങ്ക വ്യക്തമായ ഉത്തരം നല്കി. തെരഞ്ഞെടുപ്പിൽ മത്സരിക്കാൻ കോൺഗ്രസ് പാര്ട്ടി ആവശ്യപ്പെട്ടാൽ തീര്ച്ചയായും മത്സരിക്കുമെന്ന് പ്രിയങ്ക ഗാന്ധി വ്യക്തമാക്കുകയായിരുന്നു. രാഹുൽ ഗാന്ധിയുടെ മണ്ഡലമായ അമേഠിയിൽ പ്രചരണം നടത്തുന്നതിനിടെയായിരുന്നു മാധ്യമങ്ങളോട് പ്രിയങ്കയുടെ മറുപടി.
കോൺഗ്രസിന്റെ ന്യായ് പദ്ധതിയോടുള്ള മായാവതിയുടെ വിമര്ശനത്തിനും പ്രിയങ്ക ഗാന്ധി മറുപടി പറഞ്ഞു. കോൺഗ്രസ് ആരെയും കബളിപ്പിക്കില്ലെന്നും നല്കിയ വാഗ്ദാനങ്ങള് കോൺഗ്രസ് നിറവേറ്റിയിട്ടുണ്ടെന്നും പ്രിയങ്ക പറഞ്ഞു. കബളിപ്പിക്കുന്നവരായിരിക്കും ഇത്തരം ആരോപണങ്ങള് ഉന്നയിക്കുന്നതെന്നും പ്രിയങ്ക ഗാന്ധി തുറന്നടിച്ചു.
കോൺഗ്രസിന്റെ ന്യായ് പദ്ധതിയോടുള്ള മായാവതിയുടെ വിമര്ശനത്തിനും പ്രിയങ്ക ഗാന്ധി മറുപടി പറഞ്ഞു. കോൺഗ്രസ് ആരെയും കബളിപ്പിക്കില്ലെന്നും നല്കിയ വാഗ്ദാനങ്ങള് കോൺഗ്രസ് നിറവേറ്റിയിട്ടുണ്ടെന്നും പ്രിയങ്ക പറഞ്ഞു. കബളിപ്പിക്കുന്നവരായിരിക്കും ഇത്തരം ആരോപണങ്ങള് ഉന്നയിക്കുന്നതെന്നും പ്രിയങ്ക ഗാന്ധി തുറന്നടിച്ചു.