കൊച്ചി: പുല്വാമയില് ഭീകരാക്രമണത്തില് കൊല്ലപ്പെട്ട സൈനികരെ കൊണ്ടുപോകുന്നതില് വന് പിഴവ് സംഭവിച്ചെന്ന് മേജര് രവി. ഇതുസംബന്ധിച്ച നടപടിക്രമങ്ങള് പലതും പാലിച്ചിട്ടില്ലെന്നാണ് മനസിലാകുന്നതെന്ന് മേജര് രവി പറഞ്ഞു. സ്റ്റാന്ഡേര്ഡ് ഓപറേറ്റിംഗ് പ്രൊസീജ്യര്(എസ്ഒപി) പാലിക്കാതെയാണ് ജവാന്മാരെ ബസുകളില് കയറ്റിയത്. സൈനികവാഹനങ്ങള് കടന്നുപോകുമ്പോള് കാണിക്കേണ്ട ശ്രദ്ധയും സുരക്ഷയും ഉറപ്പാക്കാനായില്ലെന്നും മേജര് രവി തുറന്നുപറഞ്ഞു. റിപ്പോര്ട്ടര് ചാനലിന്റെ എഡിറ്റേഴ്സ് അവര് ചര്ച്ചയിലായിരുന്നു മേജര് രവിയുടെ പ്രതികരണം. മഞ്ഞുവീഴ്ച മൂലം റോഡ് അടഞ്ഞുകിടക്കുകയായിരുന്നു. ശേഷം റോഡ് തുറന്നുവിടുന്ന സമയത്ത് ഇരുവശത്തെയും വാഹനങ്ങളൊക്കെ ക്ലിയര് ചെയ്യാതെ പൊതുവെ സൈനികവാഹനങ്ങളെ നിരത്തില് ഇറങ്ങാന് സമ്മതിക്കാറില്ല. സൈനികവ്യൂഹത്തിന്റെ സഞ്ചാരപാത ക്ലിയര് ചെയ്ത് കഴിഞ്ഞാല് മറ്റുള്ളവരുടെ വാഹനങ്ങളൊന്നും അതിനകത്തേക്ക് കയറ്റിവിടാറുമില്ല. അപ്പോള്പ്പിന്നെ എങ്ങനെ അക്രമി ഇവിടെയെത്തിയെന്ന് മേജര് രവി സംശയം പ്രകടിപ്പിച്ചു. ആരുടെയും സഹായമില്ലാതെ അക്രമിക്ക് അവിടെ എത്താനാവില്ലെന്ന വിലയിരുത്തലാണ് ചില സൈനിക ഉദ്യോഗസ്ഥരും നടത്തിയത്.
50 സീറ്റുള്ള ഒരു ബസിനകത്ത് പരമാവധി 30 പേരെയേ കയറ്റാവൂ എന്ന ചട്ടമുള്ളതായി മേജര് രവി പറഞ്ഞു. 30 ജവാന്മാരുടെ ആയുധങ്ങളും ഉപകരണങ്ങള്ക്കും ബസില് ഇടം കണ്ടെത്തണം. ഇതുകൂടാതെ, സിആര്പിഎഫ് ആയതുകൊണ്ട് അവരുടെ കിടക്കകളും ബസില് ഉണ്ടാകും. അതുകൊണ്ടാണ് ഒരു ബസില് ഇത്രയേറെ ആളുകളെ കയറ്റരുത് എന്ന് പറയുന്നത്. എന്നാല് ഇവിടെ 55ന് മുകളില് പട്ടാളക്കാര് ഉണ്ടായിരുന്നുവെന്നാണ് വിവരമെന്നും അദ്ദേഹം ചൂണ്ടിക്കാട്ടി.
2547 സിആര്പിഎഫ് ജവാന്മാരാണ് സംഭവസമയത്ത് ഒരുമിച്ച് യാത്ര ചെയ്തിരുന്നത്. ഇത്രയധികം സൈനികരെ ഒറ്റ വാഹനവ്യൂഹമായി അയച്ചത് വലിയ സുരക്ഷാ വീഴ്ച്ചയാണെന്ന് വിദഗ്ധര് നേരത്തേ തന്നെ ചൂണ്ടിക്കാട്ടിയിരുന്നു. 78 വാഹനങ്ങളുള്ള സൈനിക വ്യൂഹമായിരുന്നു. കാശ്മീര് ലക്ഷ്യം വെച്ച് നീങ്ങിക്കൊണ്ടിരുന്നത്. ഇത്രയും സൈനികരെ റോഡ് മാര്ഗം ഒന്നിച്ച് കൊണ്ടുപോകുന്നത് വന് സുരക്ഷാ പിഴവാണെന്നാണ് വിലയിരുത്തല്.
50 സീറ്റുള്ള ഒരു ബസിനകത്ത് പരമാവധി 30 പേരെയേ കയറ്റാവൂ എന്ന ചട്ടമുള്ളതായി മേജര് രവി പറഞ്ഞു. 30 ജവാന്മാരുടെ ആയുധങ്ങളും ഉപകരണങ്ങള്ക്കും ബസില് ഇടം കണ്ടെത്തണം. ഇതുകൂടാതെ, സിആര്പിഎഫ് ആയതുകൊണ്ട് അവരുടെ കിടക്കകളും ബസില് ഉണ്ടാകും. അതുകൊണ്ടാണ് ഒരു ബസില് ഇത്രയേറെ ആളുകളെ കയറ്റരുത് എന്ന് പറയുന്നത്. എന്നാല് ഇവിടെ 55ന് മുകളില് പട്ടാളക്കാര് ഉണ്ടായിരുന്നുവെന്നാണ് വിവരമെന്നും അദ്ദേഹം ചൂണ്ടിക്കാട്ടി.
2547 സിആര്പിഎഫ് ജവാന്മാരാണ് സംഭവസമയത്ത് ഒരുമിച്ച് യാത്ര ചെയ്തിരുന്നത്. ഇത്രയധികം സൈനികരെ ഒറ്റ വാഹനവ്യൂഹമായി അയച്ചത് വലിയ സുരക്ഷാ വീഴ്ച്ചയാണെന്ന് വിദഗ്ധര് നേരത്തേ തന്നെ ചൂണ്ടിക്കാട്ടിയിരുന്നു. 78 വാഹനങ്ങളുള്ള സൈനിക വ്യൂഹമായിരുന്നു. കാശ്മീര് ലക്ഷ്യം വെച്ച് നീങ്ങിക്കൊണ്ടിരുന്നത്. ഇത്രയും സൈനികരെ റോഡ് മാര്ഗം ഒന്നിച്ച് കൊണ്ടുപോകുന്നത് വന് സുരക്ഷാ പിഴവാണെന്നാണ് വിലയിരുത്തല്.