ചണ്ഡിഗഢ്: പഞ്ചാബ് മുഖ്യമന്ത്രിയും ആം ആദ്മി നേതാവുമായ ഭഗവന്ത് മൻ നാളെ വിവാഹിതനാകുന്നു. ചണ്ഡിഗഢിലെ വസതിയിൽ ലളിതമായ ചടങ്ങുകളോടെയാണ് വിവാഹം. പഞ്ചാബ് സ്വദേശിയായ ഡോ. ഗുർപ്രീത് കൗറാണ് ആണ് വധു.
ബന്ധുക്കളും അടുത്ത സുഹൃത്തുക്കളും മാത്രമാകും ചടങ്ങിൽ പങ്കെടുക്കുക. ഡൽഹി മുഖ്യമന്ത്രിയും ആം ആദ്മി നേതാവുമായ അരവിന്ദ് കെജ്രിവാൾ ചടങ്ങിൽ പങ്കെടുക്കുമെന്നാണ് വിവരം. 48കാരനായ ഭഗവന്ത് മനിന്റെ രണ്ടാം വിവാഹമാണിത്. 6 വർഷങ്ങൾക്ക് മുമ്പാണ് ആദ്യ ഭാര്യ ഇന്ദർപ്രീത് കൗറുമായുള്ള വിവാഹ ബന്ധം വേർപ്പെടുത്തിയത്. ഈ ബന്ധത്തിൽ രണ്ട് മക്കളാണുള്ളത്.
Also Read: മഹാരാഷ്ട്രയില് ആത്മീയ നേതാവ് സൂഫി ബാബയെ വെടിവെച്ച് കൊലപ്പെടുത്തി
ആദ്യ ഭാര്യയും മക്കളും ഇപ്പോൾ അമേരിക്കയിലാണ് താമസം. ഭഗവന്ത് മൻ പഞ്ചാബ് മുഖ്യമന്ത്രിയായി സത്യപ്രതിജ് ചെയ്ത് അധികാരമേറ്റ ചടങ്ങിൽ പങ്കെടുക്കാനായി ഇരുവരും അമേരിക്കയിൽ നിന്നും എത്തിയിരുന്നു. രാഷ്ട്രീയ പ്രവേശനത്തിന് മുമ്പ് നടനായും സ്റ്റാൻഡ് അപ്പ് കൊമേഡിയനായും തിളങ്ങിയ ആളാണ് ഭഗവന്ത് മൻ. 2014 മുതൽ സഗ്രൂരിൽ നിന്നുള്ള ലോക്സഭാംഗമായിരുന്നു. 2014ലാണ് ഭഗവന്ത് മൻ ആം ആദ്മി പാർട്ടിയില് ചേരുന്നത്.