റഫാല്‍: സ‍ർക്കാ‍ർ രേഖകൾ സുപ്രീം കോടതി ഇന്ന് പരിഗണിക്കും

ന്യൂഡൽഹി: റഫാല്‍ ഇടപാടില്‍ കേന്ദ്ര സര്‍ക്കാര്‍ സമര്‍പ്പിച്ച വിവരങ്ങള്‍ സുപ്രിം കോടതി ഇന്ന് പരിഗണിക്കും. വിമാനങ്ങളുടെ നിരക്ക് സംബന്ധിച്ച വിവരങ്ങളാണ് കേന്ദ്ര സർക്കാ‍ർ നൽകിയത്. മുദ്ര വച്ച കവറിലാണ് കോടതി വിവരങ്ങള്‍ കൈമാറിയിരുന്നത്. ഇടപാടില്‍ സിബിഐ അന്വേഷണം ആവശ്യപ്പെട്ടുള്ള ഹര്‍ജികളാണ് കോടതിയുടെ കൈവശം ഉള്ളത്

സുരക്ഷാ കാര്യങ്ങള്‍ക്കുള്ള സമിതിയുടെ അംഗീകാരപ്രകാരവുമാണ് റഫാല്‍ ഇടപാടെന്നാണ് കേന്ദ്രത്തിൻ്റെ വാദം. ഇന്ത്യയിലെ ഓഫ്‌സെറ്റ് പങ്കാളി ആരാണെന്ന് ഡസോള്‍ട്ട് അറിയിച്ചിട്ടില്ലെന്നു കേന്ദ്രം കോടതിയെ അറിയിച്ചു