ആം ആദ്മിയുടെ രാജ്യസഭാ ക്ഷണം നിരസിച്ച് രഘുറാം രാജന്‍

ന്യുഡല്‍ഹി: ആം ആദ്മി പാര്‍ട്ടി പ്രതിനിധിയായി രാജ്യസഭയിലെത്താനുളള ക്ഷണം നിരസിച്ച് ആര്‍ ബി എെ മുന്‍ ഗവര്‍ണ്ണറും സാമ്പത്തിക വിദഗ്ദനുമായ രഘുറാം രാജന്‍. പത്രക്കുറിപ്പിലൂടെയാണ് അദ്ദേഹം ഇക്കാര്യം അറിയിച്ചത്.

മൂന്നുപേരെയാണ് ജനുവരിയില്‍ ആം ആദ്മി പാര്‍ട്ടിക്ക് രാജ്യസഭയിലേക്ക് അയക്കാവുന്നത്. ഇതിനായി പാര്‍ട്ടി കണ്ടെത്തിയവരുടെ പട്ടികയില്‍ ഒന്നാമതായിരുന്നു രഘുറാം രാജന്റെ സ്ഥാനം .ഈ സാഹചര്യത്തിലാണ് എം പി സ്ഥാനം സ്വീകരിക്കാന്‍ താത്പര്യമില്ലെന്ന വിശദീകരണവുമായി രഘുറാം രാജന്‍ എത്തിയത്.

നിലവില്‍ ഷിക്കാഗോ സര്‍വകലാശാലയിലെ അധ്യാപക നാണ് രഘുറം രാജന്‍.ഷിക്കാഗോ സര്‍വകലാശാലയിലെ മുഴുവന്‍സമയ ജോലി ഉപേക്ഷിക്കാന്‍ പ്രൊഫസര്‍ രഘുറാം രാജന്‍ ആഗ്രഹിക്കുന്നില്ലെന്ന് അദ്ദേഹത്തിന്റെ ഓഫീസ് പുറത്തിറക്കിയ പത്രക്കുറിപ്പില്‍ പറയുന്നത്.