ന്യൂഡല്‍ഹി: കോണ്‍ഗ്രസ് മികച്ച വിജയം കൈവരിച്ച മധ്യപ്രദേശ്, രാജസ്ഥാന്‍, ഛത്തീസ്‍ഗഢ് സംസ്ഥാനങ്ങളിലെ മുഖ്യമന്ത്രിമാരെ ഇന്ന് പ്രഖ്യാപിക്കും. ദേശീയ അധ്യക്ഷന്‍ രാഹുല്‍ ഗാന്ധിയാണ് മുഖ്യമന്ത്രിമാരെ പ്രഖ്യാപിക്കുന്നത്.
Samayam Malayalam
തിരഞ്ഞെടുപ്പില്‍ വിജയിച്ച മൂന്ന് സംസ്ഥാനങ്ങളില്‍ ചേര്‍ന്ന കോണ്‍ഗ്രസ് പാര്‍ലമെന്‍ററി യോഗത്തില്‍ ഒറ്റവരി പ്രമേയമാണ് പാസാക്കിയത്. യോഗത്തിന് ശേഷം അന്തിമ തീരുമാനമെടുക്കാന്‍ രാഹുല്‍ ഗാന്ധിയെയാണ് ചുമതലപ്പെടുത്തിയത്.
എഐസിസി നിരീക്ഷകരായ എ കെ ആന്‍റണി മല്ലികാര്‍ജുന്‍ ഖാര്‍ഗെ, കെ സി വേണുഗോപാല്‍ എന്നിവര്‍ മൂന്ന് സംസ്ഥാനങ്ങളിലെ എംഎല്‍എമാരുമായി നേരിട്ട് ചര്‍ച്ച നടത്തിയിരുന്നു. ഇതിന്‍റെ റിപ്പോര്‍ട്ട് രാഹുല്‍ ഗാന്ധിക്ക് സമര്‍പ്പിക്കുകയായിരുന്നു. മുതിര്‍ന്ന നേതാക്കളുമായി ചര്‍ച്ച നടത്തിയശേഷമായിരിക്കും രാഹുല്‍ ഗാന്ധി മുഖ്യമന്ത്രിമാരെ പ്രഖ്യാപിക്കുന്നത്.
രാജസ്ഥാനില്‍ മുന്‍മുഖ്യമന്ത്രി അശോക് ഗെഹ്ലോട്ട് പിസിസി അധ്യക്ഷന്‍ സച്ചിന്‍ പൈലറ്റ് എന്നിവരോട് ഡല്‍ഹിലേക്ക് എത്താന്‍ ഹൈക്കമാന്‍ഡ് നിര്‍ദ്ദേശിച്ചിട്ടുണ്ട്. ഛത്തീസ്ഗഡില്‍ മുഖ്യമന്ത്രി ആരാവണമെന്നുള്ള കാര്യത്തില്‍ ഇതുവരെ തീരുമാനമായിട്ടില്ലെന്നാണ് അറിയുന്നത്. മധ്യപ്രദേശില്‍ കമല്‍നാഥിന്‍റെയും ജ്യോതിരാധിത്യ സിന്ധ്യയുടെയും പേരാണ് ഉയര്‍ന്ന് കേള്‍ക്കുന്നത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
